এটা বিশেষ টুপি পিন্ধিবৰ বাবে মজিয়াতে বহি ল’লে প্ৰধানমন্ত্ৰীয়ে, চাওক ভিডিঅ’
এটা বিশেষ টুপি, এজন বিশেষ ব্যক্তিৰ পৰা পিন্ধিবৰ বাবে মজিয়াতে বহি ল’লে প্ৰধানমন্ত্ৰীয়ে। যি সময়ৰ দৃশ্য এতিয়া সামাজিক মাধ্যমত ভাইৰেল হৈ পৰিছে।
পেৰা পেৰিছ অলিম্পিকত স্বৰ্ণ পদক বিজেতা নৱদীপ সিঙৰ পৰা টুপি এটা পিন্ধিবৰ বাবে এইদৰে বহি পৰে প্ৰধানমন্ত্ৰী নৰেন্দ্ৰ মোদী। কিয়নো নৱদীপে নিজৰ উচ্চতা অনুসাৰে সেই টুপি প্ৰধানমন্ত্ৰীক পিন্ধাবলৈ অসমৰ্থ। যাৰ বাবে মহানুভৱতা দেখুৱাই প্ৰধানমন্ত্ৰী মোদীয়ে নিজেই মজিয়াত বহি দিয়ে। যি দেখি এতিয়া সহশ্ৰজনে প্ৰধানমন্ত্ৰীৰ জয় জয়কাৰ কৰিছে।
এইবাৰৰ পেৰিছ পেৰা অলিম্পিকত পুৰুষৰ জেভলিৰ এফ ৪১ শাখা (Men’s javelin throw F41)ত ৪৭.৩২ মিটাৰ দলিয়াই স্বৰ্ণ জয় কৰিছিল ভাৰতৰ নৱদীপে।
https://x.com/ANI/status/1834217312389562399
সেই নৱদীপেই আজি প্ৰধানমন্ত্ৰীক চিন স্বৰূপে এটা টুপি উপহাৰ হিচাপে দিয়ে। আজি ১২ ছেপ্টেম্বৰ তাৰিখে প্ৰধানমন্ত্ৰী মোদীয়ে ২০২৪ পেৰা অলিম্পিকত পদক বিজেতা সকলৰ সৈতে সাক্ষাত হৈছিল। সেই সাক্ষাততেই পদক বিজেতা সকলে প্ৰধানমন্ত্ৰীক একে একোটা বিশেষ উপহাৰ দিছিল।
অৱনী লেখাৰাই এটা টি-শ্বাৰ্ট দিয়াৰ বিপৰীতে, নৱদীপে এটা টুপি দিয়ে। যি উপহাৰ প্ৰধানমন্ত্ৰীয়ে অতি আগ্ৰহেৰে গ্ৰহণ কৰে।
https://x.com/ANI/status/1834216987666645355
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
