বিগত ১০ দিন ধৰি হাস্পতালত পোপ ফ্ৰান্সিস, হাওঁফাওঁৰ পিছত এতিয়া বৃক্ক বিকলৰ লক্ষণ
হাওঁফাওঁৰ সংক্ৰমণত চিকিৎসালয়ত ভৰ্তি হোৱাৰ পিছত পোপ ফ্ৰান্সিছৰ অৱস্থা সুস্থিৰ। ভেটিকানে কয় যে পোপৰ চিকিৎসা অব্যাহত আছে। এতিয়া পোপৰ বৃক্কতো বিকলতাৰ প্ৰাৰম্ভিক লক্ষণ দেখা গৈছে।
ব্ৰংকাইটিছত আক্ৰান্ত হৈ ১৪ ফেব্ৰুৱাৰীত ৮৮ বছৰীয়া পোপ ফ্ৰান্সিছক চিকিৎসাৰ বাবে ৰোমৰ গেমেলী হাস্পতালত ভৰ্তি কৰোৱা হৈছিল। দেওবাৰে গভীৰ নিশা চিকিৎসকে কয় যে তেজৰ পৰীক্ষাত বৃক্ক বিকল হোৱাৰ প্ৰাৰম্ভিক লক্ষণ দেখা গৈছে যদিও বৰ্তমানে নিয়ন্ত্ৰণত আছে।
শনিবাৰৰ পৰা পোপৰ উশাহ-নিশাহত আৰু কোনো সমস্যা হোৱা নাই। দেওবাৰে প্ৰাৰ্থনা সভাতো অংশগ্ৰহণ কৰে। লগতে মানুহৰ লগত কথা বতৰাও পাতে।
চিকিৎসকে কয় যে বয়স, দুৰ্বলতা আৰু ইতিমধ্যে থকা হাওঁফাওঁৰ ৰোগৰ বাবে ফ্ৰান্সিছৰ স্বাস্থ্যৰ অৱস্থা কিছু গুৰুতৰ। ফ্ৰান্সিছৰ সন্মুখীন হোৱা আটাইতকৈ ডাঙৰ বিপদ হৈছে চেপ্চিছ, যিটো তেজৰ গুৰুতৰ সংক্ৰমণ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
