আৰ্থিক ভৱিষ্যতক সুৰক্ষিত ৰাখিবলৈ সঞ্চয় অত্যন্ত গুৰুত্বপূৰ্ণ৷ বহুতেই ধন যাতে হেৰুৱাবলগীয়া নহয় তাৰবাবে সুৰক্ষিত সুনিশ্চিত ৰিটাৰ্ণৰ বাবে পোষ্ট অফিচৰ বিভিন্ন স্কিমত বিনিয়োগ কৰে৷ ইয়াৰ মাজত অন্যতম জনপ্ৰিয় স্কিম হৈছে পোষ্ট অফিচ ৰেকাৰিং ডিপোজিট৷ ৰেকাৰিং ডিপোজিট এক চিষ্টেমেটিক ছেভিংছ স্কিম যত নিৰ্দিষ্ট পৰিমাণে ধন প্ৰতিমাহে জমা দিয়া হয় আৰু নিৰ্ধাৰিত ম্যাদৰ শেষত সুদসহ সেই ধন উভতাই পোৱা যায়৷ ই মূলত মধ্যবিত্ত আৰু নিম্ন মধ্যবিত্ত শ্ৰেণীৰ মানুহৰ বাবে আদৰ্শ এক সঞ্চয় পদ্ধতি৷
বেংকৰ দৰে পোষ্ট অফিচতো ৰেকাৰিং ডিপোজিটৰ সুবিধা লাভ কৰিব পাৰি৷ ইয়াত প্ৰতিমাহে আপুনি এক নিৰ্দিষ্ট অংকৰ ধন জমা ৰাখিব লাগে৷ বৰ্তমান পোষ্ট অফিচৰ আৰ ডি স্কিমত ৬.৭শতাংশ সুদ দিয়া হৈছে৷ সাধাৰণতে ৰেকাৰিং ডিপোজিটৰ ম্যাদত ৬০ মাহ মানে ৫ বছৰ সময়৷ এই স্কিমত ১৮০০ টকাকৈ প্ৰতিমাহে জমা কৰিলে মেচিউৰিটিত আপুনি লাভ কৰিব মুঠ ১,২৮,৪৫৯টকা৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
