তাজ্য পিতৃ! বব্বৰ উপাধী ত্যাগ অভিনেতা প্ৰতীক বব্বৰৰ, এতিয়া জনা যাব এই নামেৰে…
দীৰ্ঘদিন ধৰি বব্বৰ পৰিয়ালৰ ভিতৰুৱা মহলত চলি থকা মতানৈক্য সকলোৰে জ্ঞাত। বিগত ফেব্ৰুৱাৰী মাহত বলীউডৰ অভিনেতা প্ৰতীক বব্বৰৰ বিয়াৰ দিনাই পোহৰলৈ আহে এই সম্পৰ্কৰ সমস্যাৰ কথা।
ভেলেণ্টাইন ডে’ ১৪ ফেব্ৰুৱাৰীৰ দিনা দীৰ্ঘদিনীয়া প্ৰেমিকা প্ৰিয়া বেনাৰ্জীৰ সৈতে বিয়াত বহিছিল বলীউডৰ অভিনেতা প্ৰতীক বব্বৰে। এই বিশেষ দিনটোত কিন্তু প্ৰতীকে পিতৃ ৰাজ বব্বৰ তথা পৰিয়ালৰ আন কোনো সদস্যকে নিমন্ত্ৰণ নিদিয়ে। তেতিয়াই জানিব পৰা যায় বব্বৰ পৰিয়ালৰ ফাঁট মেলাৰ কথা।
কিন্তু এইবাৰ খবৰ আহিছে প্ৰতীকে সম্পূৰ্ণ ত্যাগ কৰিলে বব্বৰ পৰিয়াল। পিতৃক তাজ্য কৰি নিজৰ নামৰ পৰা আঁতৰাই পেলালে বব্বৰ উপাধী। এতিয়া নিজৰ নাম কৰি ল’লে ‘প্ৰতীক স্মিতা পাটিল’।
প্ৰতীকে নিজৰ নামৰ সৈতে প্ৰয়াত মাতৃ তথা বলীউডৰ একালৰ মোহময়ী অভিনেত্ৰী স্মিতা পাটিলৰ নাম সংযোজন কৰে। এই সন্দৰ্ভত অভিনেতা প্ৰতীকে কয় যে তেওঁ কেৱল নিজৰ নাম আৰু পৰিচয়ক মাতৃৰ সৈতে জড়িত কৰিব বিচাৰে।
লগতে এইটোও কয় যে, মই কেৱল মোৰ মাতৃৰ জৰিয়তেহে থাকিব বিচাৰো, মোৰ দেউতাৰ জৰিয়তে নহয়। গতিকে এই নাম সলনি কৰাটোৱেই মোৰ সিদ্ধান্ত।
প্ৰতীকে নিজৰ এই সিদ্ধান্তৰ ওপৰত ইয়াকো কয় যে, “মই একো কথাৰ ওপৰত বেছি গভীৰভাৱে চিন্তা কৰা নাছিলো। যিটো কামে মোক মনত শান্তি দিছিল, সেই কামেই কৰিলোঁ। মোৰ নাম সলনি কৰাৰ এই সিদ্ধান্তই যদি মোৰ কেৰিয়াৰত কিবা নেতিবাচক প্ৰভাৱ পেলায়, তেন্তে মই একো গুৰুত্ব নিদিওঁ। মই বিচাৰিছিলো যে মোৰ মা মোৰ নামটোৰ সৈতে, মোৰ অন্তৰ্নিহিত স্বৰূপটোৰ সৈতে প্ৰত্যক্ষভাৱে সংযুক্ত হওক। মই এই সিদ্ধান্তক তেওঁৰ উত্তৰাধিকাৰক আগুৱাই নিয়াৰ অন্যতম উত্তম উপায় হিচাপে লৈছিলো। মোৰ জীৱনৰ এটা নতুন অধ্যায় যেন আৰম্ভ হৈছে।”
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
