অসম লাইভ ২৪ঃ গৰ্ভৱতী মহিলাই গ্ৰহণ কৰিব পাৰিব কোভিড ভেকচিন। শুকুৰবাৰে ‘নেচনেল টেকনিকেল এডভাইজৰী গ্ৰুপ অন ইমিউনাইজেচন’ (NTAGI)ৰ পৰামৰ্শসমূহক মান্যতা প্ৰদান কৰে কেন্দ্ৰীয় স্বাস্থ্য মন্ত্ৰালয়ে। এতিয়াৰ পৰা CoWIN পৰ্টেলত পঞ্জীয়ন কৰি অথবা সমীপৰ কোভিড টীকাকৰণ কেন্দ্ৰলৈ গৈ গ্ৰহণ কৰিব পাৰিব ভেকচিন। কেন্দ্ৰীয় স্বাস্থ্য মন্ত্ৰালয়ৰ মতে, গৰ্ভৱতী মহিলাই গৰ্ভাৱস্থাৰ যিকোনো পৰ্যায়তে গ্ৰহণ কৰিব পাৰিব কোভিড ভেকচিন। কেন্দ্ৰই অনুমোদন জনোৱা ৪টা কোভিড ভেকচিন কোভিশ্বীল্ড, কোভাক্সিন, স্পুটনিক-৫ আৰু ম’ডাৰ্ণা দুগ্ধপান কৰোৱা মহিলা আৰু গৰ্ভৱতী মহিলাৰ বাবে নিৰাপদ। উল্লেখ্য, অন্য মহিলাৰ তুলনাত গৰ্ভৱতী মহিলাৰ কোভিড সংক্ৰমণ হোৱাৰ আশংকা বেছি বুলি এক অধ্যয়নত পোহৰলৈ আহিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
