হোটেলৰ দুৱাৰত ‘ডু নট ডিষ্টাৰ্ব’, প্ৰিয়তমা পত্নীৰ ভালপোৱাৰ কথাকেই কৈ শেষমুহূৰ্তত স্বামীয়ে কৰিলে এই কাম, দেশজুৰি চৰ্চিত এতিয়া এখন বিশেষ চিঠি

নিশান্তই মৃত্যুৰ পূৰ্বে লিখা চিঠিত লিখিছে, ‘হাই বেব, যেতিয়া তুমি এই চিঠি পঢ়িবা তেতিয়া মই নাথাকিম৷ মোৰ জীৱনৰ শেষ মুহূৰ্তত তোমাক সমস্ত বিষয়ৰ বাবে দায়ী কৰি ঘৃণা কৰিব পাৰিলোহেতেন৷ কিন্তু মই নাই কৰা৷ মই ভালপোৱাকেই বাচি লম৷ তোমাক তেতিয়াও ভালপাইছিলো আজিও পাওঁ৷ এই ভালপোৱা কেতিয়াও শেষ নহয়৷ মোৰ মায়ে জানে মোৰ সৈতে যিসমূহ হৈছে তাৰবাবে এই পদক্ষেপ ল’বলৈ আগবাঢ়িছো৷ তাৰবাবে তুমি আৰু প্ৰাৰ্থনা মাহী দায়ী৷ মোৰ মাৰ সৈতে যোগাযোগ নকৰিবা৷ তেওঁ ভাঙি পৰিব৷ তেওঁক নিজৰ শোক পালন কৰিব দিবা৷’

পুত্ৰৰ আত্মহত্যাৰ খবৰ লাভ কৰি শোকস্তব্ধ হৈ মাতৃয়েও দিছে বিশেষ পোষ্ট৷ মাতৃ নীলম চতুৰ্বেদীয়ে লিখিছে, ‘‘বন্ধুসকল মই নীলম চতুৰ্বেদী৷ মই এতিয়া জীৱন্ত লাছ৷ তোমালোকে মোক জীৱিত অৱস্থাত দেখিলেও মই ভিতৰি মৃত৷ সন্তানেই মোৰবাবে সকলো আছিল৷ মোৰ বন্ধু আৰু মোৰ সংগী আছিল৷ মোৰ শক্তি আৰু জীৱনৰ উদ্যম আছিল নিশান্ত৷ মোৰ জীৱনত আৰু এতিয়া একো নাই৷ মোৰ শেষকৃত্য কৰাৰ পূৰ্বেই সি গুচি গ’ল৷ মই ২ মাৰ্চত তাৰ শেষকৃত্য কৰিলো৷’

নিশান্তৰ মাতৃয়ে জনাই, তেওঁ ১৬ বছৰ বয়সৰ পৰা মহিলাৰ অধিকাৰ, লিংগ বৈষম্যক লৈ সামাজিক কাম কৰি আহিছে৷ সখি কেন্দ্ৰ নামৰ এক সংস্থাৰ সৈতে যুক্ত হৈ প্ৰায় ৪৬ হাজাৰ মহিলাক ন্যায়লাভৰ সুযোগ দিছে৷ ৩৭ হাজাৰৰো বেছি মহিলাক নিজৰ ভৰিৰ ওপৰত থিয় দিয়া আৰু সুস্থ স্বাভাৱিক জীৱন ঘূৰাই পোৱাৰ বাবে কাম কৰিছে৷ অথচ নিজৰ ঘৰখনেই ঠিক কৰিব নোৱাৰাৰ বাবে দুখ প্ৰকাশ কৰিছে মাতৃ নীলম চতুৰ্বেদীয়ে৷