ৰাহুৱে ২০২৫ চনৰ ১৮ মেত কুম্ভ ৰাশিত প্ৰৱেশ কৰিছে আৰু ৫ ডিচেম্বৰ, ২০২৬ পৰ্যন্ত এই ৰাশিতেই অৱস্থান কৰিব৷ যিহেতু ৰহস্যময় গ্ৰহ ৰাহুৱে সৰ্বদা বিপৰীত পথত গতি কৰি থাকে সেয়ে ২০২৬ চনত কুম্ভৰ পৰা ওলাই মকৰ ৰাশিত প্ৰৱেশ কৰিব৷
সমগ্ৰ বছৰ শনিৰ ৰাশিত থাকিব ৰাহু
মকৰ আৰু কুম্ভ দুটা ৰাশিৰেই অধিপতি শনিদেৱ৷ ফলত ২০২৬ চন জুৰি ৰাহু শনিৰ প্ৰভাৱাধীন ৰাশিতেই অৱস্থান কৰিব৷ এই অৱস্থানে ১২ ৰাশিৰ ওপৰতেই প্ৰভাৱ পেলাব৷ ইয়াৰ মাজত ৪টা ৰাশিয়ে বিশেষভাৱে ৰাহুৰ এই গোচৰত বৃহৎ উপকাৰ পাব পাৰে৷
বৃষ ৰাশি
বৃষ ৰাশিৰ জাতকৰ বাবে ৰাহুৰ মকৰ আৰু কুম্ভ ৰাশিত অৱস্থানে অত্যন্ত শুভ প্ৰভাৱ পেলাব৷ বহুদিনৰ প্ৰতীক্ষিত পদোন্নতি আৰু সাফল্য পাব পাৰে৷ অবিবাহিতসকলৰ বিবাহৰ যোগ আছে৷ ব্যৱসায়ীৰ অৰ্থলাভৰ নতুন সুযোগ আহিব পাৰে৷ কোনো আইনি বা বিতৰ্কিত বিষয়ত জয়লাভৰ সম্ভাৱনাও প্ৰবল৷
মিথুন ৰাশি
মিথুন ৰাশিৰ জাতকৰ বাবে কৰ্মক্ষেত্ৰত উন্নতিৰ সময়৷ নতুন চাকৰিৰ সুযোগ পাব৷ পৰীক্ষাত সাফল্য আহিব৷ পদোন্নতি আৰু মৰ্যদা বৃদ্ধি পাব৷ পাৰিবাৰিক সুখ আৰু সম্পদ বৃদ্ধি ঘটিব৷ যানবাহন ক্ৰয়ৰ সম্ভাৱনা আছে৷ কৰ্মক্ষেত্ৰত আপোনাৰ পৰিশ্ৰমৰ যথাযোগ্য স্বীকৃতি আৰু প্ৰশংসা পাব৷ চৰকাৰী প্ৰকল্পৰ পৰাও লাভৰ সম্ভাৱনা আছে৷
কন্যা ৰাশি
কন্যা ৰাশিৰ জাতকৰ বাবে ৰাহু শুভ ফলদায়ক হ’ব পাৰে৷ বিশেষকৈ সন্তানৰ পৰা আনন্দ আৰু গৰ্বৰ খবৰ পাব৷ অবিবাহিতসকলৰ বাবে নতুন সম্পৰ্ক বা জীৱনসংগী লাভৰ যোগ আছে৷ প্ৰভাৱশালী ব্যক্তিৰ সৈতে পৰিচয় আৰু সংযোগ তৈয়াৰ হব৷ আত্মবিশ্বাস বৃদ্ধি পাব, মানসিক স্থিৰতা বৰ্তি থাকিব৷
মীন ৰাশি
মীন ৰাশিৰ জাতক জাতিকাই যদিও বৰ্তমান শনিৰ চাৰে সাতিৰ দ্বিতীয় ধাপৰ প্রভাৱ অনুভৱ কৰিছে ৰাহুৰ শনিৰ ৰাশিত অৱস্থান তেঁওলোকৰ বাবে কিছু পৰিমাণে শান্তি আৰু স্থিতি কঢ়িয়াই আনিব৷ বিদেশযাত্ৰাৰ সম্ভাৱনা আছে৷ অৰ্থনৈতিক অৱস্থা ভালে থাকিব৷ কিছু বাধা বা মানসিক চাপ থাকিলেও আপুনি নিজৰ লক্ষ্যত সফলভাৱে উপস্থিত হ’ব৷
২০২৬ চনত ৰাশিচক্ৰৰ দিশৰ পৰা পৰিবৰ্তন আৰু নতুন সম্ভাৱনাৰ বছৰ হ’ব পাৰে৷ ৰাহুৰ গতি জীৱনৰ নানান ক্ষেত্ৰত অপ্ৰত্যাশিত মোৰ আনিব পাৰে৷ কাৰোবাৰ বাবে সাফল্যৰ সোপন আৰু কাৰোবাৰ বাবে আত্মসমীক্ষা আৰু পৰিবৰ্তনৰ সময়৷ এই সময়ত ধৈৰ্য, ইতিবাচক মনোভাৱ আৰু সৎ প্ৰচেষ্টা বৰ্তি থাকিলে যিকোনো গ্ৰহগত প্ৰভাৱকেই নিজৰ পক্ষলৈ ঘূৰোৱা সম্ভৱ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
