কংগ্ৰেছৰ ৰাষ্ট্ৰীয় উপ-সভাপতি তথা লোকসভাৰ সাংসদ ৰাহুল গান্ধীয়ে এটা নাইট ক্লাৱত নৈশ পাৰ্টি কৰি থকা ভাইৰেল ভিডিঅ’ৱে দেশৰ ৰাজনীতিত তোলপাৰ লগাইছে৷
ভিডিঅ’টো বিজেপিৰ বহু নেতাই টুইটাৰত শ্বেয়াৰ কৰি ৰাহুল গান্ধীক তীব্ৰ আক্ৰমণ কৰা পৰিলক্ষিত হৈছে৷
ৰাহুল গান্ধীৰ এই ভিডিঅ’টো কাঠমাণ্ডুৰ এটা নাইটক্লাৱৰ বুলি ধাৰণা কৰা হৈছে৷
লগতে পঢ়ক প্ৰদেশ কংগ্ৰেছত আভ্যন্তৰীণ সংঘাত : কোন কোন জ্যেষ্ঠ নেতাই লেং মাৰিলে ভূপেন বৰাক?
সূত্ৰ অনুসৰি সাংবাদিক বন্ধু চুম্নিয়া উদাসৰ বিবাহৰ উপলক্ষ্যে কংগ্ৰেছ নেতা ৰাহুল গান্ধীয়ে বৰ্তমান কাঠমাণ্ডুত উপস্থিত আছে৷ সোমবাৰে কাঠমাণ্ডুৰ মাৰিয়ট হোটেলত চুম্নিয়াৰ বিবাহ অনুষ্ঠান সম্পন্ন হৈ গৈছে৷
সোমবাৰে সন্ধিয়া সন্ধিয়া ৰাহুল গান্ধীক তিনিজন লোকৰ সৈতে কাঠমাণ্ডুৰ ত্ৰিভূৱন আন্তঃৰাষ্ট্ৰীয় বিমান বন্দৰত দেখা গৈছিল৷
ভাইৰেল হোৱা ভিডিঅ’টোত দেখা গৈছে যে এটা নাইট ক্লাৱত ৰাহুল গান্ধীয়ে এগৰাকী যুৱতীৰ সৈতে থিয় হৈ কিবা কৈ আছে৷ যুৱতীগৰাকীয়ে পানীয় চুমুক দিলেও ভিডিঅ’টোত ৰাহুল গান্ধীক কোনো পানীয় সেৱন কৰা দেখা পোৱা নাই৷
লগতে পঢ়ক আকৌ ক্লীণ ব’ল্ড অৰুণ লাল, ৩৮ বছৰীয়া যুৱতীৰে দ্বিতীয় বিবাহ প্ৰাক্তন ক্ৰিকেটাৰগৰাকীৰ
এই ভিডিঅ’টো ভাইৰেল হোৱাৰ পিছতে বিজেপি নেতা-কৰ্মীসকলে কংগ্ৰেছ নেতাগৰাকীক তীব্ৰভাষাৰে আক্ৰমণ কৰা দেখা গৈছে৷ কেন্দ্ৰীয় মন্ত্ৰীৰ লগতে বিজেপিৰ নেতাসকলে ৰাহুল গান্ধীক অতি নিকৃষ্টভাৱে আক্ৰমণ কৰাও দেখা গৈছে৷
‘‘ৰাহুল গান্ধীৰ বন্ধ, পাৰ্টি, বিলাস ভ্ৰমণ, ব্যক্তিগত বিদেশ ভ্ৰমণ আদি ৰাষ্ট্ৰৰ বাবে একো নতুন কথা নহয়৷’’ ৰাহুল গান্ধীক কটাক্ষ কৰি কেন্দ্ৰীয় মন্ত্ৰী কীৰেণ ৰিজিজুৱে কয়৷
देश में crises का ढोल पीट कर उसकी ताल पर पार्टी करते @RahulGandhi जी। pic.twitter.com/PI2uv2B3O3
— Aditya Trivedi (@AdityaTrivedi_) May 3, 2022
ইফালে কংগ্ৰেছ শাসিত ৰাজস্থানৰ চহৰ যোধপুৰ হিংসাত্মক ঘটনাত জৰ্জৰিত হৈ থকাৰ সময়তো ৰাহুল গান্ধীয়ে বিদেশী ৰাষ্ট্ৰৰ নাইট ক্লাৱত ব্যস্ত থকা বুলিও বিজেপিয়ে আক্ৰমণ কৰিছে৷
আনহাতে, ৰাহুল গান্ধীক সমৰ্থন কৰিবলৈ গৈ কংগ্ৰেছে কয় যে ৰাহুল গান্ধীয়ে ভাৰতৰ বন্ধু দেশ নেপালৰ এগৰাকী বন্ধুৰ বিবাহ অনুষ্ঠানতহে উপস্থিত আছিল৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
