সুখবৰ! প্ৰায় ৪ হাজাৰটা চৰকাৰী চাকৰি

ৰে’লৱে ৰিক্ৰুটমেণ্ট ব’ৰ্ডে (RRB) জুনিয়ৰ ইঞ্জিনিয়াৰ (JE) পদৰ বাবে ৩,৯৯৩টা খালী পদত নিযুক্তিৰ বিজ্ঞপ্তি প্ৰকাশ কৰিছে। যোগ্য প্ৰাৰ্থীয়ে অনলাইনযোগে এই পদসমূহৰ বাবে আবেদন কৰিব পাৰিব। আবেদন কৰিব লাগিব RRBৰ অফিচিয়েল ৱেবছাইট rrbapply.gov.inৰ জৰিয়তে। এই নিযুক্তিৰ বাবে আবেদন প্ৰক্ৰিয়া চলি আছে। আবেদন মাচুল জমা দিয়াৰ অন্তিম তাৰিখ ১৫ ছেপ্টেম্বৰ, ২০২৬ নিৰ্ধাৰণ কৰা হৈছে। সেয়ে যোগ্য প্ৰাৰ্থীয়ে অন্তিম তাৰিখলৈ অপেক্ষা নকৰি সময়মতে আবেদন সম্পূৰ্ণ কৰাটো উচিত।

শিক্ষাগত অৰ্হতা

মূলতঃ প্ৰাৰ্থীৰ সংশ্লিষ্ট ইঞ্জিনিয়াৰিং শাখাত ডিপ্লোমা বা ডিগ্ৰী থাকিব লাগিব। স্বীকৃতিপ্ৰাপ্ত শিক্ষানুষ্ঠানৰ পৰা ৩ বছৰৰ ডিপ্লোমা থাকিব লাগিব। চিভিল ইঞ্জিনিয়াৰিঙত ৩ বছৰৰ ডিপ্লোমা অথবা চিভিল ইঞ্জিনিয়াৰিঙত B.Sc. ডিগ্ৰী থকা প্ৰাৰ্থীয়ে আবেদন কৰিব পাৰিব। মেকানিকেল, প্ৰডাকচন, অটোম’বাইল, ইলেকট্ৰিকেল, ইলেকট্ৰনিক্স, ইনষ্ট্ৰুমেণ্টেচন আৰু কণ্ট্ৰ’ল ইঞ্জিনিয়াৰিং অথবা সংশ্লিষ্ট বেছিক/ছাব-ষ্ট্ৰীমত ৩ বছৰৰ ডিপ্লোমা থকা প্ৰাৰ্থীও যোগ্য। কম্পিউটাৰ ইঞ্জিনিয়াৰিঙৰ ডিগ্ৰী থকা প্ৰাৰ্থীয়েও সংশ্লিষ্ট পদৰ বাবে আবেদন কৰিব পাৰিব।

বয়সসীমা আৰু বাছনি

এই নিযুক্তিত প্ৰাৰ্থীৰ বয়সসীমা সৰ্বাধিক ৩৩ বছৰলৈ ৰখা হৈছে। সংৰক্ষিত শ্ৰেণীৰ প্ৰাৰ্থীয়ে চৰকাৰী নিয়ম অনুসৰি বয়সৰ ক্ষেত্ৰত ৰেহাই লাভ কৰিব পাৰে। বাছনি প্ৰক্ৰিয়াত লিখিত পৰীক্ষাৰ ওপৰত গুৰুত্ব দিয়া হ’ব আৰু সাক্ষাৎকাৰ অবিহনে যোগ্য প্ৰাৰ্থী বাছনি কৰা হ’ব।

কেনেকৈ আবেদন কৰিব?

যোগ্য প্ৰাৰ্থীয়ে প্ৰথমে RRBৰ অফিচিয়েল আবেদন প’ৰ্টেল rrbapply.gov.inত গৈ নিজৰ পঞ্জীয়ন সম্পূৰ্ণ কৰিব লাগিব। ইয়াৰ পিছত প্ৰয়োজনীয় তথ্য পূৰণ কৰি শিক্ষাগত অৰ্হতাৰ নথি আৰু অন্যান্য প্ৰয়োজনীয় নথি আপলোড কৰি আবেদন মাচুল জমা দিব লাগিব।

গুৰুত্বপূৰ্ণ: আবেদন কৰাৰ পূৰ্বে RRBৰ অফিচিয়েল বিজ্ঞপ্তি ভালদৰে পঢ়ি পদ অনুসৰি শিক্ষাগত অৰ্হতা, বয়সসীমা, মাচুল আৰু অন্যান্য চৰ্ত নিশ্চিত কৰি লোৱাটো প্ৰয়োজন।

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ