ৰহস্যময়ী ৰোগে আগুৰি ধৰিছে জম্মু, ৪৪ দিনত ৩ টা পৰিয়ালৰ ১৭ৰ অকাল মৃত্যু
জম্মু-কাশ্মীৰৰ বদ্দাল গাঁৱত বিগত ৪৪ দিনত তিনিটা পৰিয়ালৰ ১২টা শিশুসহ মুঠ ১৭জন লোকৰ সন্দেহজনক পৰিস্থিতিত মৃত্যু হৈছে। এই ঘটনাই গাঁওখনত চাঞ্চল্যৰ সৃষ্টি কৰিছে। ৰহস্যময়ী ৰোগৰ বাবে এতিয়া আতংকৰ গাঁওখনৰ জনতা।
কেন্দ্ৰীয় গৃহমন্ত্ৰী অমিত শ্বাহৰ নিৰ্দেশমৰ্মে এই বিষয়টোৰ তদন্তৰ বাবে আন্তঃমন্ত্ৰালয়ৰ এটা দলো গঠন কৰা হৈছে, যাৰ ফলত তদন্ত প্ৰক্ৰিয়া আৰম্ভ হৈছে। ঘটনাৰ কাৰণ জানিবলৈ এই দলটোৱে কেইবাজনো বিশেষজ্ঞৰ সৈতে সেই স্থানত উপস্থিত হৈছে।
গাঁওখনত শিশুকে ধৰি একেটা পৰিয়ালৰ কেইবাজনো সদস্যৰ মৃত্যুৰ ফলত স্থানীয় ৰাইজ স্তম্ভিত আৰু চিন্তিত হৈ পৰিছে। এতিয়ালৈকে তদন্তত মৃত্যুৰ কাৰণ জানিব পৰা হোৱা নাই, যাৰ বাবে সন্দেহ আৰু আশংকাৰ পৰিস্থিতিৰ সৃষ্টি হৈছে।
মৰোত্তৰ পৰীক্ষাতো একো বিশেষ প্ৰকাশ নোপোৱাত এতিয়া কেন্দ্ৰীয় গৃহ মন্ত্ৰালয়ে বিষয়টো গুৰুত্বসহকাৰে লৈছে, তদন্তৰ বাবে বিশেষজ্ঞৰ এটা দল প্ৰেৰণ কৰিছে গাঁওখনলৈ। দলটোৱে এই মৃত্যুৰ কোনো কাৰণ আছে নে প্ৰাকৃতিক কাৰণত মৃত্যু হৈছে সেই বিষয়ে জানিবলৈ চেষ্টা কৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
