অসম লাইভ২৪ঃ নিজৰ কামকাজৰ বাবেই সংবাদৰ শিৰোনামত থাকে ৰাখী স্বাৱন্ত৷ নানান কাৰণত তেওঁ খবৰৰ শিৰোনাম হৈ থাকে৷ এইবাৰ ৰাখীয়ে কোনো অঘটন ঘটাই বাতৰিৰ শিৰোনাম দখল কৰা নাই৷ ৰাখীৰ শাৰীৰিক অৱস্থা শোচনীয়৷ হাস্পতালৰ বিচনাত শুই থকা ৰাখীৰ এখন ফটো সামাজিক মাধ্যমত ভাইৰেল হৈ পৰিছে৷
বলীউডৰ এক সূত্ৰই প্ৰকাশ কৰা অনুসৰি ৰাখীক শাৰীৰিক অসুস্থতাৰ বাবে ভৰ্তি কৰোৱা হৈছে হাস্পতালত৷ ৰাখী হৃদৰোগত আক্ৰান্ত বুলি জনাইছে সূত্ৰটোৱে৷ এই খবৰে ৰাখীৰ অনুৰাগীৰ মাজত হাহাকাৰৰ সৃষ্টি কৰাৰ সময়তে একাংশই আকৌ কৈছে যে ৰাখীয়ে কেনেবাকৈ এক্টিং কৰা নাইতো? কিন্তু বেছিভাগেই ৰাখীৰ সুস্থতাৰ বাবে প্ৰাৰ্থনা কৰিছে৷
ভাইৰেল ভায়ানীয়ে তেওঁৰ ইনষ্টাগ্ৰামত ৰাখী স্বাৱন্তৰ কিছু ছবি শ্বেয়াৰ কৰিছে য’ত দেখা গৈছে যে ৰাখী হাস্পতালত আছে৷ ৰাখী সংজ্ঞাহীন অৱস্থাত বিচনাত শুই আছে৷ এটা আঙুলিয়ে অক্সিমিটাৰ আৰু আনখন হাতত আছে ছেলাইনৰ পাইপ৷ এখন ছবিত আকৌ নাৰ্ছৰ সৈতে দেখা গৈছে ৰাখীক৷ নাৰ্ছে ৰাখীৰ ব্লাড প্ৰেছাৰ পৰীক্ষা কৰি আছে৷ অভিনেত্ৰী ৰাখীক এই অৱস্থাত দেখি হতবম্ব হৈ পৰিছে বহুজন৷ ৰাখীৰ এই ছবি দেখি আচৰিত হৈ পৰিছে বহুজন৷ মিডিয়া ৰিপৰ্ট অনুসৰি ৰাখীৰ কিছু হাৰ্টৰ সমস্যা আছে৷ তাৰপাছতেই তেওঁক দ্ৰুতভাৱে হাস্পতালত ভৰ্তি কৰোৱা হৈছে৷
দ্ৰুত সুস্থতাৰ বাবে প্ৰাৰ্থনা কৰিছে অনুৰাগীয়ে
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
