ৰতন টাটাৰ ৰূপত অমূল্য ৰত্ন হেৰুৱালে ভাৰতে

এটি বিশেষ তথা অতিকে উজ্জল ৰত্নৰ বিদায়, সমগ্ৰ ভাৰতবৰ্ষকে কন্দুৱাই চিৰ বিদায় ল’লে ভাৰতক সমগ্ৰ বিশ্বতে অৰ্থনৈতিক ক্ষেত্ৰত নাম ৰাখি যোৱা, দানবীৰ ৰতন টাটাই। কালি ৯ অক্টোবৰ তাৰিখ বুধবাৰে ৮৬ বছৰ বয়সত দেহাৱসান অসম বৈভৱ বিশিষ্ট উদ্যোগপতিগৰাকীৰ।

দেশৰ সৰ্ববৃহৎ ব্যৱসায়িক ট্ৰাষ্ট টাটা সন্সৰ সন্মানীয় অধ্যক্ষ ৰতন টাটাক মুম্বাইৰ ব্ৰিচ কেণ্ডি হাস্পতালত ভৰ্তি কৰোৱা হৈছিল। বয়স বৃদ্ধিৰ বাবে তেওঁৰ বহু সমস্যা হৈ আছিল। ৰাষ্ট্ৰপতি দ্ৰৌপদী মুৰ্মু, প্ৰধানমন্ত্ৰী নৰেন্দ্ৰ মোডীকে ধৰি বহু জ্যেষ্ঠ নেতা আৰু উদ্যোগপতিসকলে ৰতন টাটাৰ মৃত্যুত শোক প্ৰকাশ কৰিছে। সমগ্ৰ দেশতে ৰতন টাটাৰ জনপ্ৰিয়তা আছিল।

ৰাষ্ট্ৰপতি মুৰ্মুৱে টুইটাৰত লিখিছে যে ৰতন টাটাৰ কৰুণ মৃত্যুৰ লগে লগে ভাৰতে এনে এজন আইকন হেৰুৱাইছে যিয়ে কৰ্পৰেট বিকাশৰ সৈতে জাতি গঠন আৰু উৎকৃষ্টতাক নৈতিকতাৰ সৈতে মিহলি কৰিছিল সমগ্ৰ টাটা গ্ৰুপ আৰু সমগ্ৰ বিশ্বৰ তেওঁৰ অনুৰাগীসকলৰ বাবে দানশীলতা অমূল্য।’

https://x.com/rashtrapatibhvn/status/1844089271256326216

প্ৰধানমন্ত্ৰী নৰেন্দ্ৰ মোদীয়েও ৰতন টাটাৰ মৃত্যুত শোক প্ৰকাশ কৰিছে। তেওঁৰ এটা পোষ্টত তেওঁ ৰতন টাটাক এজন দূৰদৰ্শী ব্যৱসায়িক নেতা, এজন দয়ালু ব্যক্তি আৰু এজন অসাধাৰণ মানুহ বুলি অভিহিত কৰে।

প্ৰধানমন্ত্ৰী মোদীয়ে এক্সত এটা পোষ্টত লিখিছে, ‘শ্ৰী ৰতন টাটা জীৰ সৈতে হোৱা অগণন কথা-বতৰা মোৰ মনত আছে। গুজৰাটৰ মুখ্যমন্ত্রী হৈ থাকোঁতে সঘনাই লগ পাইছিলোঁ৷ আগতে আমি বিভিন্ন বিষয়ত মত বিনিময় কৰিছিলোঁ। তেওঁৰ দৃষ্টিভংগীটো মই অতি চহকী বুলি পাইছিলোঁ। দিল্লীলৈ আহি এই কথা-বতৰা চলি থাকিল। তেওঁৰ মৃত্যুত অত্যন্ত দুখী। এই দুখৰ ঘণ্টাত মোৰ চিন্তা তেওঁৰ পৰিয়াল, বন্ধু-বান্ধৱী আৰু অনুৰাগীৰ সৈতে আছে।”

https://x.com/narendramodi/status/1844082581534539778

লগতে তেওঁ কয়, “শ্ৰী ৰতন টাটা জীৰ আটাইতকৈ অনন্য দিশটো আছিল তেওঁৰ ডাঙৰ সপোন দেখা আৰু আনক উভতাই দিয়াৰ আবেগ।” শিক্ষা, স্বাস্থ্যসেৱা, পৰিষ্কাৰ-পৰিচ্ছন্নতা, পশু কল্যাণ আদি বিষয়ৰ প্ৰসাৰৰ ক্ষেত্ৰত তেওঁ আগৰণুৱা আছিল।

ৰতন টাটাৰ নেতৃত্বত টাটা গ্ৰুপে বহু উচ্চতা স্পৰ্শ কৰিছিল। ৰতন টাটা ১৯৯১ চনত টাটা গ্ৰুপৰ অধ্যক্ষ হয় । ২০১২ চনলৈকে তেওঁ এই পদত আছিল। ১৯৯৬ চনত টাটা চাৰ্ভিচেছ আৰু ২০০৪ চনত টাটা কনচালটেন্সি চাৰ্ভিচেছৰ দৰে কোম্পানী প্ৰতিষ্ঠা কৰিছিল ৰতন টাটাই। ভাৰতীয় উদ্যোগত অপূৰণীয় ক্ষতি ৰতন টাটাৰ মৃত্যু।

পদ্ম বিভূষণ , পদ্ম ভূষণ, অসমৰ সৰ্বোচ্চ সন্মানেৰে সন্মানিত-

ভাৰতীয় ব্যৱসায়িক জগতলৈ ৰতন টাটাৰ অতি গুৰুত্বপূৰ্ণ অৱদান বুলি বিবেচিত হৈছে। তেওঁ ভাৰতৰ সৰ্বোচ্চ অসামৰিক বঁটা পদ্ম বিভূষণ (২০০৮) আৰু পদ্মভূষণ (২০০০)  সন্মানেৰে সন্মানিত।

অসমৰ সৰ্বোচ্চ সন্মান অসম বৈভৱ বঁটাৰে সন্মানিত । অসমৰ জাতীয় জীৱনলৈ আগবঢ়োৱা বৰঙণিৰ বাবে অসম চৰকাৰে প্ৰদান কৰে সৰ্বোচ্চ অসামৰিক সন্মান। ২০২১ বৰ্ষৰ পৰা এই বঁটা প্ৰদান কৰা হৈছে। প্ৰথমবাৰৰ বাবে উদ্যোগপতি ৰতন টাটাক কৰ্কট ৰোগৰ চিকিৎসাত আগবঢ়োৱা ব্যতিক্ৰমী অৱদানৰ বাবে এই বঁটা প্ৰদান কৰা হৈছিল।

তেওঁ আছিল সন্মানীয় কেথেড্ৰেল আৰু জন কেনন স্কুল, বিচপ কটন স্কুল (শ্বিমলা), কৰ্নেল বিশ্ববিদ্যালয় আৰু হাৰ্ভাৰ্ডৰ প্ৰাক্তন ছাত্ৰ।

১৯৩৭ চনৰ ২৮ ছেপ্টেম্বৰত জন্মগ্ৰহণ কৰিছিল ৰতন টাটাৰ। কোটিপতি হোৱাৰ উপৰিও তেওঁক এজন দয়ালু, সহজ-সৰল আৰু সম্ভ্ৰান্ত ব্যক্তি হিচাপেও দেখা যায়। তেওঁৰ লগত জড়িত এনে বহু কাহিনী আছে, যাৰ পৰা বুজা যায় যে তেওঁ বহু লোকক সহায় কৰিছিল। লগতে দেশৰ প্ৰগতিৰ ক্ষেত্ৰত ৰতন টাটাৰ অৱদান কেতিয়াও পাহৰিব নোৱাৰি।

সোমবাৰে টাটাক চিকিৎসালয়ত ভৰ্তি কৰোৱা হৈছিল, তাৰ পিছত কৰ্পৰেট, ৰাজনৈতিক আৰু সাধাৰণ মানুহৰ মাজত তেওঁৰ স্বাস্থ্য সম্পৰ্কে জল্পনা-কল্পনা তীব্ৰতৰ হৈ পৰে। পিছত তেওঁ বিবৃতি জাৰি কৰি কয় যে তেওঁ ভালেই আছে আৰু বয়সৰ লগত জড়িত ৰোগৰ পৰীক্ষাৰ বাবে চিকিৎসালয়ত ভৰ্তি কৰোৱা হৈছিল।

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ