মহিলাসকলৰ বেছিভাগ সমস্যা হৰমনৰ সমতাৰ বিঘ্নিত ঘটাৰ বাবে হয়। মহিলাসকলৰ মেদবহুলতাও এনে এটা কাৰণ। বহু মহিলাই ভাবে যে অধিক খাদ্য খোৱাৰ বাবেই শৰীৰত চৰ্বি জমা হয়। কিন্তু PMOSত আক্রান্ত মহিলাৰ ক্ষেত্ৰত চর্বিৰ সমস্যা কেৱল খাদ্যৰ বাবেই নহয়।
মহিলাৰ মেদবহুলতাৰ সৰ্বজনীন কাৰণ কি?
বৰ্তমান সময়ত মহিলাসকলৰ মাজত মেদবহুলতা এটা সাৰ্বজনীন সমস্যাত পৰিণত হৈছে। আধুনিক সমাজত বহু মহিলাই বৃদ্ধি পোৱা ওজন আৰু মেদবহুলতাৰ সমস্যাক লৈ চিন্তিত হৈ থাকে। সাধাৰণতে মেদবহুলতাৰ কাৰণ অধিক খাদ্য গ্ৰহণ কৰা বা ভুল আহাৰ গ্ৰহণ বুলিয়েই ধৰা হয়। কিন্তু বহু মহিলাৰ ক্ষেত্ৰত কমকৈ খাদ্য খালেও মেদবহুলতাৰ সমস্যাৰ পৰা মুক্ত হোৱা দেখা নাযায়। তেনে মহিলাই মেদবহুলতাক কেনেকৈ নিয়ন্ত্ৰণ কৰিব এই চিন্তাতে দিন ৰাতি কটোৱা দেখা যায়।
মহিলাৰ মেদবহুলতাৰ সাধাৰণ আৰু সৰ্বজনীন কাৰণটো হৈছে PMOS। ভাৰতত ৫ গৰাকীৰ ভিতৰত এগৰাকী মহিলাই প’লীএণ্ডোক্ৰাইন মেটাবোলিক অভাৰিয়ন ছিণ্ড্ৰোমত ভোগে।
যেতিয়া শৰীৰত ইনছুলিন অধিক পৰিমাণে উৎপন্ন হয় আৰু ইয়াৰ ফলত এণ্ড্ৰ’জেন হৰম’নৰ উৎপাদন প্ৰয়োজনতকৈ বেছি হয়। ইয়াৰ ফলত পেট আৰু কঁকালৰ চাৰিওফালে মেদ জমা হয়। এনেধৰণৰ মেদ জমা হোৱাক PMOS বুলি কোৱা হয়। তেনে মহিলাৰ যিমানেই ওজন বাঢ়ে, ইনছুলিন প্ৰতিৰোধৰ ক্ষমতাও বাঢ়ি যায়। ইয়াৰ ফলত হৰম’নেল অসন্তুলন প্ৰক্ৰিয়া আৰু অধিক বৃদ্ধি হয়, যাৰ ফলত মহিলাগৰাকীৰ ওজন কম কৰাটো কঠিন হৈ পৰে। লগতে শৰীৰত মেদ জমা হোৱা প্ৰক্ৰিয়া দ্ৰুত হাৰত বৃদ্ধি পায়।
ইয়াৰ উপায় কি?
তেনে মেদবহুলতাৰ স্বীকাৰ মহিলাই কেৱল খাদ্যৰ পৰিমাণ হ্ৰাস কৰিলেই মেদবহুলতাৰ পৰা মুক্ত নহয়। ইয়াৰ বাবে তেনে মহিলাই চিকিৎসকৰ পৰামৰ্শ লোৱাৰ উপৰিও নিয়মিত ব্যায়াম কৰা, পৰ্যাপ্ত টোপনি যোৱাৰ উপৰিও অযথা মানসিক চাপৰ পৰা নিজকে মুক্ত ৰাখিব লাগিব।
এই প্ৰতিবেদন যুগুতাইছে মানসজ্যোতিয়ে
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
