অসম লাইভ ২৪ঃ আজি অসম দিৱস৷ বৰ অসমৰ খনিকৰ স্বৰ্গদেউ চাওলুং চুক্যাফাক শ্ৰদ্ধাৰে সোঁৱৰণ ৰাজ্যবাসীৰ৷ সাতৰাজ এক কৰি একৰাজ প্ৰতিষ্ঠাৰে বিভিন্ন জাতি জনগোষ্ঠী, ভাষা-সংস্কৃতিক সমন্বয়ৰ সেতুৰে বন্ধা স্বৰ্গদেউ চুক্যাফাৰ পবিত্ৰ স্মৃতিত পালন কৰা হয় অসম দিৱস৷ ১২২৮ খ্ৰীষ্টাব্দৰ ২ ডিচেম্বৰ দিনটোত পাটকাই পৰ্বত পাৰ হৈ সৌমাৰ খণ্ডত ভৰি থোৱাৰ ঐতিহাসিক দিনটোক চিৰস্মৰণীয় কৰি ৰখা হৈছে৷ সেই উদ্দেশ্যে ১৯৭২ চনৰ পৰা ৰাজ্যত পালন কৰি অহা হৈছে চুক্যাফা দিৱস৷ একতা আৰু সম্প্ৰীতিৰ ডোলেৰে বান্ধি বৃহত্তৰ অসমীয়া জাতিক একতাৰ বাট বুলোৱা চাওলুং চুক্যাফাক স্মৰণ কৰে মুখ্যমন্ত্ৰী ড০ হিমন্ত বিশ্ব শৰ্মাই৷
যুগপুৰুষ চাওলুঙ-ছ্যু-কাফাই অসমীয়া জাতিসত্তাত প্ৰাণ প্ৰতিষ্ঠাৰে অংকুৰিত কৰিছিল এটি মহাজাতিৰ বীজ৷ ঐক্য আৰু সংহতিৰ ডোলেৰে বৰ অসমক বান্ধি ছ্যু-কাফাই নিৰ্মাণ কৰিছিল বৰ অসমৰ ভেটি। আজি অসম দিৱসত অসমৰ জাতীয় জীৱনৰ অন্যতম স্পন্দন, যুগ-মনীষী চাওলুঙ-ছ্যু-কাফাক জনাইছোঁ সশ্ৰদ্ধ প্ৰণিপাত৷ pic.twitter.com/5vqKK0oGyp
— Himanta Biswa Sarma (@himantabiswa) December 2, 2021
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
