অসম লাইভ২৪ঃ আজি ৭৮ সংখ্যক গণৰাজ্য দিৱস৷ দিল্লীত গণৰাজ্য দিৱসত ৰাষ্ট্ৰপতি দ্ৰৌপদী মূৰ্মূৱে পতাকা উত্তোলন কৰাৰ পাছতেই প্ৰদৰ্শিত হয় বৃহৎ পেৰেড৷ গণৰাজ্য দিৱসত ইজিপ্তৰ ৰাষ্ট্ৰপতি আবলেদ ফাটাহ এল চিচিয়ে গণৰাজ্য দিৱসত মুখ্য অতিথি হিচাপে অংশগ্ৰহণ কৰে। অনুষ্ঠানতে ৰাষ্ট্ৰপতি দ্ৰৌপদী মূৰ্মূক সামৰিক কায়দাৰে অভিবাদন জনায় সেনাৰ বহুকেইটা ৰেজিমেণ্টে৷ ইপিনে পুৱাই National War Memorial লৈ যায় প্ৰধানমন্ত্ৰী নৰেন্দ্ৰ মোদী৷
বায়ুসেনাই দেখুৱালে শক্তি
৭৪ সংখ্যক গণৰাজ্য দিৱসৰ পেৰেডl ভাৰতীয় বায়ুসেনাৰ ৪৫ খন বিমান, ভাৰতীয় নৌসেনাৰ এখন আৰু ভাৰতীয় সেনাৰ চাৰিখন হেলিকপ্টাৰে আকাশত বিস্ময়কৰ ষ্টাণ্ট প্ৰদৰ্শন কৰে। এই সময়ত বিশ্বই ৰাফেল জেট বিমানৰ শক্তিও দেখিবলৈ পায়।
নাৰী শক্তিৰ ওপৰত বিশেষ গুৰুত্ব
গণৰাজ্য দিৱস উপলক্ষে প্ৰতিৰক্ষা মন্ত্ৰালয় আৰু সাংস্কৃতিক মন্ত্ৰালয়ে বিশেষ প্ৰদৰ্শন দাঙি ধৰে৷ এই উপস্থাপনত নাৰী শক্তিৰ ওপৰত গুৰুত্ব আৰোপ কৰা হৈছে।
গুজৰাটৰ প্ৰতীকপটত সেউজ শক্তিৰ ওপৰত গুৰুত্ব
গণৰাজ্য দিৱসৰ দিনা গুজৰাটৰ প্ৰতীকপটত ‘স্বচ্ছ-সেউজ শক্তি দক্ষ গুজৰাট’ শীৰ্ষক বিষয়বস্তুৰ ওপৰত আধাৰিত আছিল। এই টেবুলখনত শক্তিৰ নবীকৰণযোগ্য উৎসসমূহ চিত্ৰিত কৰা হৈছে।
পেৰেডত অংশ লৈছে অগ্নিবীৰে
প্ৰথমবাৰৰ বাবে গণৰাজ্য দিৱসৰ পেৰেডত অংশ লৈছে অগ্নিবীৰে। লেফটেনেণ্ট কমাণ্ডাৰ দিশা অমৃতৰ নেতৃত্বত ১৪৪ জন যুৱ নাৱিকৰ এটা নৌসেনাৰ দলে প্ৰদৰ্শন কৰে শক্তি৷ এই প্ৰদৰ্শন দাঙি ধৰে ৩ গৰাকী মহিলা আৰু ৬ গৰাকী পুৰুষ অগ্নিবীৰে৷
প্ৰদৰ্শিত হয় উটৰ সমদল
বি এছ এফৰ উটে গণৰাজ্য দিৱসৰ পেৰেডত দৰ্শকক মোহিত কৰে। বিশ্বৰ একমাত্ৰ এই উটৰ সমদল আছে ভাৰতৰ। গণৰাজ্য দিৱস উপলক্ষে ভাৰতীয় নৌসেনা আৰু ভাৰতীয় বায়ুসেনায়ো নিজৰ শক্তি প্ৰদৰ্শন কৰে।
ব্ৰাহ্মোছ ক্ষেপণাস্ত্ৰই বিশ্ববাসীক দেখুৱালে শক্তি
৮৬১ মিছাইল ৰেজিমেণ্টৰ ব্ৰাহ্মোছকো গণৰাজ্য দিৱসৰ পেৰেডত অন্তৰ্ভুক্ত কৰা হৈছিল। লেফটেনেণ্ট প্ৰজ্বল কলাৰ নেতৃত্বত বিশ্বই ভাৰতৰ এই ক্ষেপণাস্ত্ৰ ব্যৱস্থাৰ শক্তি দেখিবলৈ পালে। মিছাইলৰ শক্তি দেখুৱালে লেফটেনেণ্ট চেতনা শৰ্মাই৷ কেপ্তেইন সুনীল দশৰথৰ নেতৃত্বত ২৭ এয়াৰ ডিফেন্স মিছাইল ৰেজিমেণ্টৰ স্কাই মিছাইল ছিষ্টেমেও এই পেৰেডত অংশগ্ৰহণ কৰে। ৫১২ লাইট এডি মিছাইল ৰেজিমেণ্টৰ লেফটেনেণ্ট চেতনা শৰ্মাও উপস্থিত থাকে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
