অসম লাইভ২৪ঃ পৰিয়ালক চাৰপ্ৰাইজ দিবলৈ গৈ ভয়াৱহ দুৰ্ঘটনাৰ সন্মুখীন হৈছে ঋষভ পন্থ। গুৰুতৰভাৱে আহত ঋষভক ভৰ্তী কৰোৱা হৈছে ডেৰাডুনৰ মাক্স হাস্পতালত। অৰ্থপেডিক আৰু প্লাষ্টিক চাৰ্জাৰীৰ কাঢ়া নজৰত ৰখা হৈছে ক্ৰিকেটাৰ ঋষভক। বৰ্তমান তেওঁৰ স্বাস্থ্য কেনে আছে? স্বাস্থ্যৰ অৱনতিৰ বাবেই অচিৰেই এয়াৰ এম্বুলেঞ্চযোগে দিল্লীলৈ লৈ যোৱাৰ সম্ভাৱনা আছে টিম ইণ্ডিয়াৰ উইকেটকীপাৰ ঋষভক।
দিল্লীতেই প্লাষ্টিক চাৰ্জাৰী কৰা হ’ব ঋষভৰ। শাৰিৰীক অৱস্থাকলৈ বৰ্তমানো কোনো প্ৰতিবেদন দিয়া নাই চিকিৎসকে। আনহাতে ঋষভৰ শৰীৰৰ দ্ৰুত আৰোগ্য কামনা কৰিছে সমগ্ৰ দেশবাসীয়েই।
আনহাতে ক্ৰিকেট এছচিয়েছন DDCA-ৰ ডাইৰেক্টৰ শ্যাম শৰ্মাই জনোৱা অনুসৰি, ডেৰাডুনৰ মাক্স হাস্পতালতেই বৰ্তমানলৈকে আছে ঋষভ। শনিবাৰে অৰ্থাত আজিয়েই ঋষভক উন্নত চিকিৎসাৰ বাবে এয়াৰ এম্বুলেঞ্চযোগে দিল্লীলৈ লৈ যোৱাৰ সম্ভাৱনাৰ কথা ব্যক্ত কৰিছে ঋষভৰ ঘনিষ্ঠ মহলে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
