ভাৰতৰ ভিন্ন প্ৰান্তত বিভিন্ন ধৰণৰ ৰহস্যময়ী মন্দিৰ আছে। এই মন্দিৰসমূহৰ ৰহস্য আজিও বিজ্ঞানে পোহৰলৈ আনিব পৰা নাই। আজি আপোনালোকক উত্তৰাখণ্ডৰ ঋষিকেশৰ এটি আচৰিত মন্দিৰৰ বিষয়ে জনাম। এই ৰহস্যময়ী মন্দিৰৰ কথা জানি আপোনাৰো চকু কপালত উঠিব।
“যোগ নগৰী” আৰু “গেটৱে টু হিমালয়” নামেৰে পৰিচিত ঋষিকেশ কেৱল আধ্যাত্মিক অনুশীলন আৰু ধ্যান-ধাৰণাৰ কেন্দ্ৰই নহয়, ইয়াৰ উপৰিও অসংখ্য ৰহস্যময় স্থান আছে যিয়ে দৰ্শনাৰ্থীক তেওঁলোকৰ প্ৰাচীন বিশ্বাস আৰু জীৱন-ধাৰণৰ পদ্ধতিৰে আকৰ্ষণ কৰে। তেনে এক স্থান হ’ল ভূতনাথ মন্দিৰ। এই মন্দিৰটো ভগৱান শিৱৰ নামত উৎসৰ্গিত, আৰু ইয়াৰ অনন্য কাহিনীয়ে ইয়াক অন্যান্য শিৱ মন্দিৰৰ পৰা পৃথক কৰি তুলিছে। এই স্থানটো তীৰ্থযাত্ৰী, সাধক, আৰু দুঃসাহসিক কৰ্মীৰ মাজত কৌতুহলৰ কেন্দ্ৰবিন্দু হৈয়েই আছে।
ঋষিকেশৰ পাহাৰীয়া অঞ্চলত অৱস্থিত ভূতনাথ মন্দিৰটো এটা ৰহস্যময়ী মন্দিৰ। ইয়াৰ জনপ্ৰিয়তা কেৱল ইয়াৰ উচ্চতা বা প্ৰাচীনম বাবেই নহয়, ইয়াৰ লগত বহুতো লোকবিশ্বাসো জড়িত হৈ আছে। বিশ্বাস কৰা হয় যে যেতিয়া ভগৱান শিৱই পাৰ্বতীক বিয়া কৰাবলৈ নিজৰ বৰযাত্ৰীলৈ কৈলাশৰ পৰা গৈছিল, তেতিয়া সেই ঠাইত তেওঁৰ সংগীৰ সৈতে জিৰণি লৈছিল। যিহেতু শিৱই অঘৰীৰ দৰে জীৱন কটাইছিল, সেয়ে তেওঁৰ লগত ভূত-প্ৰেত, দেৱতা সকলো আহিছিল আৰু সেই ঠাইখনে এক বিশেষ শক্তি লাভ কৰিছিল।
ভগৱান শিৱৰ লগত অহা ভূত আৰু প্ৰেতবোৰে সেই স্থানত থাকি তাৰ পিছত বাসিন্দা হৈ পৰে। তেতিয়াৰ পৰাই সেই ঠাই “ভূতনাথ” নামেৰে পৰিচিত হৈ পৰে, অৰ্থাৎ সকলো জীৱৰ অধিপতি ভূতৰ প্ৰভু শিৱৰ ৰূপ।
সন্ধিয়া ৫ বজাৰ পিছত প্ৰৱেশ বন্ধ
উল্লেখ্য যে, সেই অঞ্চলত বসবাস কৰা লোকে জনোৱা মতে, ৫ বজাৰ পিছত কাকো মন্দিৰত প্ৰৱেশ কৰিবলৈ অনুমতি দিয়া নহয়। কিয়নো নিশা এই অপশক্তিবোৰ অধিক সক্ৰিয় হৈ পৰে বুলি বিশ্বাস কৰা হয়। এই নিয়ম বছৰ বছৰ ধৰি চলি আহিছে, এতিয়াও মানুহে ভক্তিৰে পালন কৰে। এই নিয়মে মন্দিৰৰ ৰহস্য আৰু অধিক বৃদ্ধি কৰিছে।
এই মন্দিৰটো ঋষিকেশৰ লক্ষণ ঝুলাৰ ওচৰৰ মণিকূট পৰ্বতত আছে। এই মন্দিৰৰ ৰহস্যই বহু দেশী-বিদেশী পৰ্যটকক আকৰ্ষণ কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
