উমা চেত্ৰীৰ পাছত এইবাৰ পুৰুষ ভাৰতীয় দলত স্থান লাভ অসম সন্তান ৰিয়ানৰ
ভাৰতীয় ক্ৰিকেট দলত স্থান লাভ কৰা উমা চেত্ৰীৰ পাছত এইবাৰ সুখবৰ কঢ়িয়াই আনিছে ৰিয়ানে। ভাৰতীয় পুৰুষ দলত স্থান লাভ কৰিলে ৰিয়ান পৰাগে। প্ৰথমগৰাকী অসমীয়া হিচাপে গৌৰৱ কঢ়িয়াই আনিলে ৰিয়ান পৰাগে।
মহিলা ভাৰতীয় ক্ৰিকেট দলত স্থান লাভ কৰা উমা চেত্ৰীৰ সফলতাৰ পাছত এইবাৰ ৰিয়ানে আনিলে এই সুখবৰ। ভাৰতীয় ক্ৰিকেট দলৰ হৈ খেল পথাৰত নামিব অসম সন্তানগৰাকীয়ে।
টি-২০ বিশ্বকাপৰ পাছতে হ’ব লগা জিম্বাবৱেৰ বিৰুদ্ধে ৫খনীয়া টি-২০ শৃংখলাত স্থান পাইছে ৰিয়ানে। ৰিয়ানৰ লগতে এইবাৰ প্ৰথমবাৰৰ বাবে ভাৰতীয় দলত স্থান পাইছে অভিষেক শৰ্মা, হৰ্ষিত ৰানা, নিতিশ ৰেড্ডী, তুষাৰ ৰেড্ডী । অৱশ্যে এতিয়ালৈকে আনুষ্ঠানিক ঘোষণা হোৱা নাই।
অহা ৬ জুলাইৰ পৰা আৰম্ভ হব ভাৰত বনাম জিম্বাবৱেৰ খেল। বিশ্বকাপৰ পাছতে এই খেলত ৰোহিত শৰ্মা সহ কেইবাগৰাকী খেলুৱৈক সকাহ দিয়াৰ সম্ভৱনা।
উল্লেখ্য যে, ভাৰতীয় পুৰুষ জাতীয় দলত স্থান লাভ কৰা ৰিয়ান অসম তথা উত্তৰ-পূবৰ প্ৰথমগৰাকী ক্ৰিকেটাৰ। আনহাতে মহিলা ক্ৰিকেট দলত স্থান পোৱা উমা চেত্ৰী প্ৰথমগৰাকী অসমীয়া মহিলা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
