কোকৰাঝাৰত অতিকে শোকাৱহ ঘটনা, ব’ল বমলৈ বুলি গৈ প্ৰাণ হেৰুৱালে ৫জনকৈ ভক্তই
কোকৰাঝাৰৰ পৰা আহিছে এক অতিকে শোকাৱহ দুৰ্ঘটনাৰখবৰ। ব’ল বমলৈ বুলি গৈ প্ৰাণ হেৰুৱালে ৫ জনকৈ ভক্তই। জিলা খনৰ গোসাইগাঁৱত সংঘটিত হৈছে এই খবৰ।
পুৱতি নিশা শিব বাবাৰ পূজা দিয়াৰ উদ্দেশ্য ঘৰৰ পৰা ওলাইছিল কেউজন লোক। পাছে পুৱা শিৱ বাবাৰ পূজা দি উভতি অহাৰ সময়তে ভয়ংকৰ দুৰ্ঘটনা সংঘটিত হৈ ৫ জনে প্ৰাণ হেৰুৱাৰ লগতে এজন গুৰুতৰভাৱে আহত।
ঘটনা সন্দৰ্ভত জানিব পৰা অনুসৰি, গোসাইগাঁৱৰ কচুগাঁওস্থিত মহামায়া মন্দিৰৰ সন্মুখত ২৭ নম্বৰ ৰাষ্ট্ৰীয় ঘাইপথত এই ভয়াবহ পথ দুৰ্ঘটনাটো সংঘটিত হৈছে।
মন্দিৰত পূজা দি বলেৰো পিক আপ ভানত উঠাৰ সময়ত এখন ট্ৰাকে দুৰ্ঘটনা সংঘটিত কৰি গুচি যায়। যাৰ ফলতে গাড়ীৰ চেপাত থিতাতে পাঁচজন নিহত হয়। এজন গুৰুতৰ আহত।
ইতিমধ্যে ঘটনাস্থলীত গোসাইগাঁও মহকুমা আৰক্ষী বিষয়া হিৰেন কুমাৰ ডেকা আৰু কচুগাঁও আৰক্ষী উপস্থিত হৈছে। উল্লেখ্য যে, একেখন ট্ৰাকেই কোকৰাঝাৰৰ বিষমুৰীত আন দুজনক দুৰ্ঘটনা কৰি মৃত্যু মুখত পেলোৱা নিহত হৈছে বুলি জানিব পৰা গৈছে।
নিহত ব’ল বম ভক্ত সকল গোসাইগাঁৱৰৰ ১ নং হাতীগড় গাঁৱৰ সুক্ৰমন ৰায়(২০), জয় ৰায়(১১), বাপ্পি ঘোষ(২১), বাসুদেৱ ৰায়(২২), আৰু নৱ ঘোষ(২৬)। আনহাতে আহত বিনন ৰায় (২২)ক আৰক্ষীয়ে কচুগাঁও প্ৰাথমিক চিকিৎসালয়ত ভৰ্তি কৰোৱা বুলি জানিব পৰা গৈছে।
সদ্যহতে দূৰ্ঘটনা সংঘটিত কৰা কণ্টেইনাৰ খন আৰক্ষীয়ে আটক কৰাৰ লগতে কণ্টেইনাৰৰ চালক আৰু সহচালক হাৰিয়ানাৰ ফাৰিদ খান আৰু ছাজিদ খানক আটক কৰি দূৰ্ঘটনাৰ তদন্ত অব্যাহত ৰাখিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
