নলবাৰীত শোকাৱহ দুৰ্ঘটনা, ২০ ফুট দ-খাৱৈত বাহন বাগৰি একেলগে প্ৰাণ হেৰুৱালে দুই বন্ধুৱে
শোকাৱহ পথ দুৰ্ঘটনাই কঁপাই গ’ল নামনি অসম। নিয়ন্ত্ৰণ হেৰুৱাই ২০ ফুট দ-খাৱৈত বাগৰিল এখন চাৰিচকীয়া বাহন। যাৰ ফলত ঠাইতে প্ৰাণ হেৰুৱালে দুই বন্ধুৱে। থিতাতে নিহত ৰাজীৱ শৰ্মা আৰু ধনজিৎ শৰ্মা নামৰ দুই যুৱকে।
নলবাৰীৰ টিহুত সংঘটিত হৈছে এই ভয়ংকৰ পথ দুৰ্ঘটনাটো। ঘটনাটোত ঘটনাস্থলিতে নিহত দুজনকৈ যুৱক। চাৰিচকীয়া বাহনে নিয়ন্ত্ৰণ হেৰুৱাই টিহু চ’ৰা জানত পৰি দুই যুৱকৰ মৃত্যু।
ঘটনাটোত নিহত টিহুৰ মাখিবাহাৰ অধ্যাপক পাৰাৰ ৰাজীৱ শৰ্মা (২৫) আৰু ধনজিৎ শৰ্মা (৩৫) বুলি চিনাক্ত। দুৰ্ঘটনাত পতিত হোৱা বাহন খনৰ নম্বৰ এ এছ ০১ এফ এইচ ৮৫৩৫.
টিহু-সৰ্থেবাৰী গড়কাপ্তানি পথৰ ঘোপাৰ ক্ষেত্ৰাপাৰাত এই শোকাৱহ পথ দুৰ্ঘটনাটো সংঘটিত হয়। ঘোপাৰ পৰা নিজ গৃহ অভিমুখে গৈ থকাৰ পথত সংঘটিত হয় এই শোকাৱহ দুৰ্ঘটনাটো। যুৱক দুজনৰ মৃত্যুত এতিয়া অঞ্চলজুৰি গভীৰ শোকৰ ছাঁ পৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
