নগাঁৱত ভয়ংকৰ পথ দুৰ্ঘটনা, প্ৰাণ হেৰুৱালে দুজনকৈ লোকে
নগাঁৱৰ কঠিয়াতলী ৰেংবেঙত ভয়ংকৰ পথ দূৰ্ঘটনা ৷ ৰৈ থকা ট্ৰাকত প্ৰচণ্ড খুন্দা তীব্ৰবেগী বলেৰ’ বাহনৰ ৷ যাৰ ফলত ঘটনাস্থলীতে প্ৰাণ হেৰুৱাই দুজনকৈ লোকে। আনহাতে আন এজন লোক গুৰুতৰভাৱে আহত।
ব্ৰইলাৰ কঢ়িয়াই নিয়া বলেৰ’ বাহনখনে প্ৰচণ্ড জোৰে ট্ৰাকখনত খুন্দা মৰাৰ ফলতে এই দুৰ্ঘটনাটো সংঘটিত হয়। ঘটনাৰ বিষয়ে খবৰ লাভৰ লগে লগে ঘটনাস্থলীত উপস্থিত কঠিয়াতলী আৰক্ষী।
আৰক্ষীয়ে নিহত লোক দুজনৰ মৃতদেহ কোনোমতে বাহন কাটিহে উদ্ধাৰ কৰে। নিহত দুজন হোজাই কোমোৰাকটাৰ গণেশ আৰু ভাইটি বুলি চিনাক্ত কৰিছে আৰক্ষীয়ে ৷
আনহাতে সংকট জনক অৱস্থাত ট্ৰাকখনৰ চালক জনক চিকিৎসালয়লৈ প্ৰেৰণ ৷ ঘটনা সন্দৰ্ভত জানিব পৰা অনুসৰি তীব্ৰ বেগত আছিল ব্ৰইলাৰ কঢ়িয়াই নিয়া বলেৰ’ বাহন খন। পুৱতি নিশা সংঘটিত হয় দূৰ্ঘটনাতো ৷ দুৰ্ঘটনা সংঘটিত হোৱা বলেৰ’ বাহন খনৰ নম্বৰ AS02BC0232, ট্ৰাক খনৰ নম্বৰ AS28AC0472
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
