চেম্পিয়নছ ট্ৰফি জিকি ৰোহিত শৰ্মাই অৱসৰ লব বুলি জল্পনা চলিছিল। কিন্তু ট্ৰফি জিকাৰ পাছত অৱসৰক লৈ এটা বাক্যও উচ্চাৰণ নকৰিলে ৰোহিত শৰ্মাই। বৰং তেওঁৰ সকলো বাৰ্তাত স্পষ্ট যে তেওঁ দেশৰ হৈ আৰু খেলি যাব। বিশেখকৈ এদিনীয়া ক্ৰিকেট। আনকি ২০২৭ চনৰ বিশ্বকাপ খেলাৰো মন আছে হয়তো ৰোহিতৰ। বাৰে বাৰে তেওঁৰ মুখত শুনা গল আগন্তুক দিনত আগ্ৰাসী হৈ খেলি যোৱাৰ কথা। কালিৰ ভাষণত তেওঁ দুই সতীৰ্থ খেলুৱৈক ভূয়সী প্ৰশংসাও কৰিলে।
ইয়ান বিছপৰ প্ৰশ্নৰ উত্তৰত ৰোহিতে কয়, ‘ভাল লাগিছে। সমগ্ৰ প্ৰতিযোগিতাত আমি ভাল খেলিছো। ফাইনেলত জিকাৰ অনুভুতি কিছু ভিন্ন। খেলখনে আমাক তৃপ্তি দিছে।’ ইয়াৰপাছতেই আগ্ৰাসনৰ প্ৰসংগ তুলে ৰোহিতে। তেওঁ কয়,’বহুতেই জানে আমি সহজে এই খেলত জিকা নাই। আপুনি যেতিয়া কিছু পৃথককৈ আগবাঢ়ে তেতিয়া কোচৰ সমৰ্থনৰ প্ৰয়োজন খুবেই বেছি হয়। পূৰ্বে ৰাহুল ভাইৰ সৈতে এই সম্পৰ্কত কথা পাতিছিলো এতিয়া গৌতম ভাইৰ সৈতে পাতো। বিগত কেইবাবছৰ আমি অন্যধৰণে খেলিছো। অন্যধৰণে ফলাফলো লাভ কৰিছো।’
কেনেকৈ সাফল্য আহিব সেই বিষয়েও স্পষ্টকৈ মত পোষণ কৰিছে ৰোহিতে। ৰোহিতে কয়, ‘সকলোতকৈ আগত বুজিব লাগিব পিচ কেনেকুৱা। সেই অনুসৰি খেলিব লাগিব। আজি প্ৰথম পাঁচ ছয় অভাৰ কেনেকৈ খেলিম সেই বিষয়ত আমাৰ স্পষ্ট ধাৰণা আছিল। পূৰ্বে আগ্ৰাসীভাৱেৰে খেলিবলৈ গৈয়েই আউট হৈ যাওঁ। শ্বট মৰাৰ ধৰণৰ ওপৰত বহু কথাই নিৰ্ভৰ কৰে। দলৰ বেটিং গভীৰতাই মোক আৰু স্বাধীনভাৱে খেলাৰ সুযোগ দিয়ে। জাদেজাৰ দৰে ক্ৰিকেটাৰ ৮নম্বৰত খেলত নামিছে। এয়াই আপোনাৰ আত্মবিশ্বাস বঢ়াই দিব যে তাত কোনো দ্বিমত থাকিব নোৱাৰে।’
উইকেট পৰিলেও কে এল ৰাহুলে শেষ পৰ্যন্ত মেচ কেনেকৈ চলাই নিছে তাৰবাবে তেওঁকো প্ৰশংসা কৰিছে ৰোহিতে। বৰুণ চক্ৰবৰ্তীৰ প্ৰশংসাও শুনা গৈছে ৰোহিতৰ মুখত। ৰোহিতে কয়, ‘কে এল ৰাহুলৰ মানসিকতাক লৈ আৰু কি কম। চাপ পৰিলেও সেয়া কেতিয়াও নেদেখুৱাই। আজি অকলেই মেচ শেষ কৰি আহিল। চাপ আহিলেও তেওঁ সেয়া প্ৰকাশ নকৰে। বাকীসকলক স্বাধীনভাৱে খেলাৰ সুযোগ তেওঁ তৈয়াৰ কৰি দিয়ে। আজি যেনেকৈ হাৰ্দিকক খোলা মনেৰে খেলিবলৈ সুযোগ দিছে।’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
