ৰে’লৱে ৰিক্ৰুইটমেণ্ট বৰ্ড নন-টেকনিকেল পপুলাৰ কেটাগৰি UG লেভেলত ৩০৫০ টা পদত নিয়োগৰ বিজ্ঞাপ্তি প্ৰকাশিত হৈছে৷ এই নিয়োগ কমাৰ্ছিয়েল-কাম-টিকট ক্লাৰ্ক, একাউণ্টছ-ক্লাৰ্ক-কাম টাইপিষ্ট, জুনিয়ৰ ক্লাৰ্ক-কাম-টাইপিষ্ট, ট্ৰেইন ক্লাৰ্ক পদসমূহ অন্তৰ্ভূক্ত আছে৷ আৰ আৰ বি এন টি পিছি ইউজি লেভেলৰ এই নিয়োগৰ বাবে দ্বাদশ শ্ৰেণী পাছ কৰা প্ৰাৰ্থীয়ে ২৮ অক্টোহৰৰ পৰা আবেদন কৰিব পাৰিব৷ আবেদনৰ শেষ তাৰিখ আগন্তুক ২৭ নৱেম্বৰ৷ rrbapply.gov.in ৱেবচাইটত গৈ আবেদন কৰিব পাৰিব প্ৰাৰ্থীয়ে৷
বিগত বছৰ RRB NTPC ইউ ডি নিয়োগত তিনি বছৰৰ ৰেহাই দিয়া হৈছিল৷ কিন্তু এই বছৰ তেনে কোনো ৰেহাই দিয়া হোৱা নাই৷ বিগত বছৰ সৰ্বোচ্চ বয়সসীমা আছিল ৩৩ বছৰ৷ কিন্তু এই বছৰ সেয়া কমাই ৩০ বছৰ কৰা হৈছে৷ ইয়াৰোপৰি বিগত বছৰ ৩৪৫৫ টা পদত নিয়োগ হৈছিল, য’ত এইবছৰ মাত্ৰ ৩০৫০ টা পদত হে নিয়োগ কৰা হ’ব৷ অৰ্থাৎ এই বছৰ ৪০০ পদ কমি গৈছে৷
কিমান বয়সৰ প্ৰাৰ্থীয়ে পৰীক্ষাত বহিব পাৰিব?
১৮ বছৰ আৰু সৰ্বোচ্ছ ৩০ বছৰ৷ বয়স গণনা কৰা হ’ব ১ জানুৱাৰী হিচাপত৷ জাতি, উপজাতি শ্ৰেণীভুক্ত বয়সৰ প্ৰাৰ্থীৰ সৰ্বোচ্চসীমাৰ ৫ বছৰ আৰু অবিচি প্ৰাৰ্থীয়ে ৩ বছৰ ৰেহাই পাব৷
শিক্ষাগত যোগ্যতা কি হ’ব?
- কমাৰ্ছিয়েল-কাম-টিকট ক্লাৰ্কঃ অন্তত ৫০ শতাংশ নম্বৰেৰে দ্বাদশ শ্ৰেণী উত্তীৰ্ণ হ’ব লাগিব৷ জাতি, উপজাতি আৰু বিশেষভাৱে সক্ষম প্ৰাৰ্থীয়ে কেৱল দ্বাদশ শ্ৰেণী উত্তীৰ্ণ হলেই হব৷
- ট্ৰেইন ক্লাৰ্কঃ অন্তত ৫০ শতাংশ নম্বৰসহ দ্বাদশ শ্ৰেণী পাছ কৰিলেই হ’ব৷ জাতি, উপজাতি আৰু বিশেষভাৱে সক্ষম প্ৰাৰ্থীৰ বাবে কেৱল দ্বাদশ পাছ হলেই হব৷
একাউণ্টছ ক্লাৰ্ক কাম টাইপিষ্টঃ দ্বাদশ শ্ৰেণী উত্তীৰ্ণ হ’ব লাগিব৷ পাব লাগিব ৫০ শতাংশ নম্বৰ৷ কম্পিউটাৰত ইংৰাজিত প্ৰতিমিনিটত ৩০ টা শব্দ অথৱা হিন্দিত প্ৰতি মিনিটত ২৫ টা শব্দ টাইপিঙৰ গতি থাকিব লাগিব৷ এছ চি, এছ টি আৰু দিব্যাংগ প্ৰাৰ্থীৰ বাবে কেৱল ১২ পাছ হলেই হ’ব৷ ৫০শতাংশ নম্বৰৰ চৰ্ত প্ৰযোজ্য নহয়
জুনিয়ৰ ক্লাৰ্ক কাম টাইপিষ্টঃ অন্তত ৫০ শতাংশ নম্বৰসহ দ্বাদশ শ্ৰেণী উত্তীৰ্ণ হব লাগিব৷ কম্পিউটাৰত ইংৰাজিত প্ৰতিমিনিটত ৩০টা শব্দ অথৱা হিন্দিত প্ৰতি মিনিটত ২৫ টা শব্দ টাইপিঙৰ গতি থাকিব লাগিব৷ এছ টি, এছ চি আৰু বিশেষভাৱে সক্ষম প্ৰাৰ্থীৰ বাবে ৫০শতাংশ নম্বৰ প্ৰযোজ্য নহয়৷
কেনেকৈ নিয়োগ কৰা হ’ব?
সমস্ত পদৰ বাবে ২ টা পৰ্যায়ত চিবিটি হ’ব৷ ইয়াৰ পাছতেই একাউণ্টছ ক্লাৰ্ক-কাম-টাইপিষ্ট আৰু জুনিয়ৰ ক্লাৰ্ক-কাম টাইপিষ্ট পদৰ বাবে টাইপিং স্কিল টেষ্টো হ’ব৷ চিবিটিত প্ৰতিটো ভুল উত্তৰৰ বাবে এক তৃতীয়াংশ নিগেটিভ মাৰ্কিং কটা হব৷ দ্বিতীয় পৰ্যায়ত চিবিটিৰ বাবে শূন্যপদৰ ১৫ গুণ প্ৰাৰ্থীক আৰ আৰ বি অনুসৰি চৰ্টলিষ্ট কৰা হ’ব৷
প্ৰথম পৰ্যায়ৰ চিবিটি সমস্ত পদৰ বাবে কমন হব৷ ৯০ মিনিটৰ চিবিটিত ১০০ টা প্ৰশ্ন থাকিব৷ ৪০ টা প্ৰশ্ন জেনেৰেল এৱাৰনেছৰ পৰা, ৩০ টা অংক আৰু ৩০ টা জেনেৰেল ইণ্টেলিজেন্স আৰু ৰিজনিঙৰ পৰা থাকিব৷ প্ৰথম পৰ্যায়ৰ চিবিটিৰ নৰমেলাইজড স্কোৰৰ ভিত্তিত দ্বিতীয় পৰ্যায়ৰ চিবিটিৰ বাবে প্ৰাৰ্থীসকলক চৰ্টলিষ্ট কৰা হব৷
দ্বিতীয় পৰ্যায়ৰ চিবিটিও সমস্ত পদৰ বাবে কমন হব৷ দ্বিতীয় পৰ্যায়ৰ চিবিটিত ৯০ মিনিটৰ পৰীক্ষা হ’ব৷ এই চিবিটিত ১২০ টা প্ৰশ্ন থাকিব৷ ৫০ টা প্ৰশ্ন জেনেৰেল এৱাৰনেছৰ পৰা, ৩৫টা অংক আৰু ৩৫ টা জেনেৰেল ইণ্টেলিজেন্স আৰু ৰিজনিঙৰ পৰা থাকিব৷
আবেদন ফি কিমান হ’ব?
৫০০ টকা হ’ব আবেদন ফি৷ য’ত চিবিটি ১ পৰীক্ষাত অংশ লোৱাসকলক ৪০০ টকা উভতাই দিয়া হব৷ মহিলা, এছ টি, এছ চি, বিশেষভাৱে সক্ষম প্ৰাৰ্থীৰ বাবে আবেদন ফি হৈছে ২৫০ টতা৷ যিসকলে চিবিটি ১ পৰীক্ষাত অংশ ল’ব তেওঁলোকক সম্পূৰ্ণ ২৫০ টকাই উভতাই দিয়া হ’ব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
