অসম লাইভ ২৪ঃ DRDOৰ এণ্টি-কোভিড ড্ৰাগ 2-dg ৯৯০ টকাত উপলব্ধ। প্ৰতি পেকেট 2-dgৰ দাম ৯৯০ টকা নিৰ্ধাৰণ কৰিছে ডাঃ ৰেড্ডীজ লেবৰেটৰীয়ে। অৱশ্যে কেন্দ্ৰ আৰু ৰাজ্যৰ চৰকাৰী চিকিৎসালয়সমূহত ৰেহাই মূল্যত উপলব্ধ হ’ব 2-DG। জুনৰ মাজভাগত বাণিজ্যিকভাৱে মুকলি কৰিব এইবিধ ঔষধ। ডাঃ ৰেড্ডীজৰ সহযোগত DRDOই তৈয়াৰ কৰিছিল এণ্টি-কোভিড ড্ৰাগ 2-DG। ১৭ মে’ত প্ৰতিৰক্ষা মন্ত্ৰী ৰাজনাথ সিং আৰু কেন্দ্ৰীয় স্বাস্থ্যমন্ত্ৰী হৰ্ষ বৰ্ধনে আনুষ্ঠানিকভাৱে মুকলি কৰে 2-DG। সম্প্ৰতি ১০,০০০ পেকেট 2-DG বজাৰত উপলব্ধ আছে। বৃহস্পতিবাৰে দ্বিতীয় পৰ্যায়ত ১০,০০০ পেকেট মুকলি কৰা হয় বজাৰত। উল্লেখ্য, 2-DGৰ ব্যৱহাৰে ৰোগীৰ দ্ৰুত আৰোগ্য আৰু অক্সিজেনৰ নিৰ্ভৰতা হ্ৰাস কৰাত সহায় কৰে। চিকিৎসাৰত কোভিড ৰোগীৰ ক্ষেত্ৰত কৰা হৈছিল এই ক্লিনিকেল পৰীক্ষা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
