‘৩ টা সন্তান জন্ম দিয়াটো অত্যন্ত প্ৰয়োজন’- মোহন ভাগতৰ এই বক্তব্যৰ পাছতে দেশজুৰি বিতৰ্ক

‘৩ টা সন্তান জন্ম দিয়াটো অত্যন্ত প্ৰয়োজন’- মোহন ভাগতৰ এই বক্তব্যৰ পাছতে দেশজুৰি বিতৰ্ক

ৰাষ্ট্ৰীয় স্বয়ংসেৱক সংঘৰ মুৰব্বী মোহন ভাগৱতে জনসংখ্যা হ্ৰাসক লৈ উদ্বেগ প্ৰকাশ কৰে। আধুনিক জনসংখ্যা বিজ্ঞানৰ উদ্ধৃতি দি তেওঁ কয় যে যেতিয়া এখন সমাজৰ জনসংখ্যা তথা উৰ্বৰতাৰ হাৰ ২.১ৰ তললৈ যায়, তেতিয়া সেই সমাজখন ক্ৰমান্বয়ে পৃথিৱীৰ পৰা বিলুপ্ত হোৱাৰ পথত অগ্ৰসৰ হয়।

যাৰ বাবে ভাগৱতে কয় যে দুটাতকৈ অধিক সন্তান জন্ম দিয়াৰ প্ৰয়োজন আছে, ই একপ্ৰকাৰৰ অত্যন্ত প্ৰয়োজন। পাছে মোহন ভাগৱতৰ এই বক্তব্যৰ পাছতে প্ৰতিক্ৰিয়া প্ৰকাশ কৰে বিৰোধীয়ে।

আৰ এছ এছৰ মুৰব্বী মোহন ভাগৱতে কয়, “জনসংখ্যা হ্ৰাস চিন্তাৰ বিষয়। আধুনিক জনসংখ্যা বিজ্ঞানে কয় যে যেতিয়া এখন সমাজৰ জনসংখ্যা ২.১ৰ তললৈ যায়, তেতিয়া সেই সমাজখন পৃথিৱীৰ পৰা নাইকিয়া হৈ যায়। সেয়ে ৰাইজে, জনসংখ্যা ২.১ৰ তললৈ যাব দিব নালাগে। এইটো ১৯৯৮ বা ২০০২ চনতো সিদ্ধান্ত লোৱা হৈছিল। কোৱা হয় যে এখন সমাজৰ জনসংখ্যা ২.১তকৈ কম হ’ব নালাগে জনসংখ্যা বিজ্ঞানে কয় যে সমাজখনৰ অস্তিত্বৰ বাবে এই সংখ্যাটো গুৰুত্বপূৰ্ণ।

মোহন ভাগৱতৰ এই মন্তব্যক লৈ প্ৰতিক্ৰিয়া প্ৰকাশ কৰে সমাজবাদী পাৰ্টিৰ মুখপাত্ৰ ফখৰুল হাছান চান্দে। তেওঁ কয় যে মোহন ভাগৱতে কিছুদিনৰ পৰা যিয়েই কৈছে এতিয়া বিজেপিক অস্বস্তিত পেলাইছে। আনকি যোৱাবাৰ যেতিয়া মোহন ভাগৱতে কৈছিল যে প্ৰতিটো মছজিদত মন্দিৰ কিয় বিচাৰিব লাগে, তেতিয়াও বিজেপিৰ কোনো উত্তৰ নাছিল। সমগ্ৰ দেশৰ জনসংখ্যাক লৈ বিজেপিয়ে ৰাজনীতি কৰিছে।

কংগ্ৰেছ নেতা উমাং সিংহাৰেও মোহন ভাগৱতৰ এই বক্তব্যক লৈ প্ৰশ্ন উত্থাপন কৰে। তেওঁ কয়, “যিসকল ইতিমধ্যে আছে তেওঁলোকক চাকৰি দিয়ক, চাকৰি নাই, শস্যৰ মাটি কমি আহিছে। মোহন ভাগৱতে দুটাতকৈ অধিক সন্তান জন্ম দিব বিচাৰে। দেশত নিবনুৱা সমস্যা বাঢ়িছে। আজিৰ যুৱক-যুৱতীসকলে চাকৰি পোৱা নাই। শস্যৰ মাটি কমি গৈছে।”

জনসংখ্যা বৃদ্ধি পোৱাৰ বিপৰীতে মোহন ভাগৱতে চীনৰ পৰা শিকিব পৰা নাই আৰু তেওঁ জনসংখ্যাৰ ক্ষেত্ৰত দেশখনক শক্তিশালী কৰিব বিচাৰে। উমাং সিংহাৰে আৰু কয় যে, “মই পৰামৰ্শ দিওঁ যে আমি মোহন ভাগৱত, পি এম মোডী আৰু মুখ্যমন্ত্ৰী যোগী আদিত্যনাথৰ পৰা আৰম্ভ কৰোঁ। যদি তেওঁলোকে জনসংখ্যাৰ প্ৰতি ইমান চিন্তিত, তেন্তে আৰম্ভণিও তেওঁলোকৰ পৰা হ’ব লাগে।”

মোহন ভাগৱতৰ এই বক্তব্যৰ প্ৰতি প্ৰতিক্ৰিয়া প্ৰকাশ কৰে এআইএমআইএমৰ মুৰব্বী আছাদুদ্দিন ওৱেছিয়েও। তেওঁ কয়, “ভাগৱত জীয়ে জনসংখ্যা বৃদ্ধি কৰিব লাগে বুলি কৈছে, কিন্তু জনসংখ্যা বৃদ্ধিৰ ফলত শিশুৱে পৰ্যাপ্ত সুবিধা পাবনে! শিশুৱে সকলো সুবিধা পোৱাটো নিশ্চিত কৰিবনে? দৰিদ্ৰ পৰিয়ালক প্ৰতিমাহে ১৫০০ টকা দিবনে?”

মোহন ভাগৱতৰ এই অধিক সন্তান জন্মৰ বাবে কৰা বক্তব্যক লৈ বৰ্তমানে সমগ্ৰ দেশতে তীব্ৰতৰ হৈ পৰে বিতৰ্ক।

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ