পুটিনৰ বিশেষ মন্তব্য- কেৱল ভাৰতেহে পাৰিব এই কাম
ৰাছিয়া-ইউক্ৰেইন যুদ্ধৰ অন্ত পেলাবলৈ ভাৰতে কঠোৰ পৰিশ্ৰম কৰি আছে। আলোচনাৰ জৰিয়তে এই ধ্বংসলীলাৰ অন্ত পৰাটো ভাৰতে বিচাৰে। ইয়াৰ বাবে ভাৰতে ৰাছিয়া আৰু ইউক্ৰেইন দুয়োৰে সৈতে কথা পাতিছে। এতিয়া ৰাছিয়াৰ ৰাষ্ট্ৰপতি ভ্লাদিমিৰ পুটিনে নিজেই স্বীকাৰ কৰিছে যে ভাৰতে ইউক্ৰেইন যুদ্ধ বন্ধ কৰিব পাৰে।
অৱশ্যে ভাৰতৰ লগতে শত্ৰু চীনকো কৃতিত্ব দিছে পুটিনে। পুটিনে কয় যে ৰাছিয়া আৰু ইউক্ৰেইনৰ মাজত মধ্যস্থতাকাৰী হিচাপে কেৱল ভাৰত, চীন আৰু ব্ৰাজিলেহে কাম কৰিব পাৰে। উল্লেখ্য যে, দুবছৰতকৈও অধিক সময় ধৰি ৰাছিয়া আৰু ইউক্ৰেইনৰ মাজত যুদ্ধ চলি আছে।
ৰাষ্ট্ৰপতি পুটিনে বৃহস্পতিবাৰে কয় যে ইউক্ৰেইন সন্দৰ্ভত সম্ভাৱ্য শান্তি আলোচনাত চীন, ভাৰত আৰু ব্ৰাজিলে মধ্যস্থতাৰ ভূমিকা পালন কৰিব পাৰে। ৰয়টাৰৰ মতে, পুটিনে কয় যে যুদ্ধৰ প্ৰথম সপ্তাহত ইস্তানবুলত হোৱা আলোচনাত ৰাছিয়া আৰু ইউক্ৰেইনৰ আলোচনাপন্থীৰ মাজত প্ৰাথমিক চুক্তি কৰা হৈছিল, যিটো কেতিয়াও কাৰ্যকৰী হোৱা নাছিল। ইয়েই আলোচনাৰ ভিত্তি হ’ব পাৰে।
আচলতে পুটিনৰ এই বক্তব্য প্ৰধানমন্ত্ৰী মোডীৰ ৰাছিয়া আৰু ইউক্ৰেইন ভ্ৰমণৰ পিছত আহিছে। এতিয়ালৈকে ইউক্ৰেইনৰ সৈতে হোৱা আলোচনাত পুটিনে কেতিয়াও মুকলিকৈ একো কোৱা নাছিল। কিন্তু এইবাৰ প্ৰথমবাৰৰ বাবে পুটিনে ইউক্ৰেইনৰ সৈতে কথা পাতিবলৈ সাজু বুলি কয়। কিন্তু তেওঁ ইংগিত দিছে যে ৰাছিয়াই কেৱল ভাৰত, চীন আৰু ব্ৰাজিলৰ মধ্যস্থতা মানি ল’ব।
সংবাদ সংস্থা ৰয়টাৰৰ মতে, ৰাষ্ট্ৰপতি পুটিনে কয় যে আমি কি বিষয়ত মোকাবিলা কৰি আছো সেয়া আমি বুজি পাওঁ। চুক্তিক সন্মান নকৰা মানুহ। চলিত বৰ্ষৰ জুলাই মাহত প্ৰধানমন্ত্ৰী নৰেন্দ্ৰ মোদীয়ে ৰাছিয়ালৈ গৈছিল ৰাষ্ট্ৰপতি পুটিনক সাক্ষাৎ কৰিবলৈ। ইউক্ৰেইনৰ সৈতে সংঘাত আৰম্ভ হোৱাৰ ডেৰ-দুবছৰৰ পাছত এই ভ্ৰমণ হৈছিল। দুয়োগৰাকী নেতাই যুদ্ধকে ধৰি বিভিন্ন বিষয়ত আলোচনা কৰিছিল।
আগষ্ট মাহতো ইউক্ৰেইন ভ্ৰমণ কৰিছিল প্ৰধানমন্ত্ৰী মোদীয়ে। ১৯৯২ চনত দুয়োখন দেশৰ মাজত কূটনৈতিক সম্পৰ্ক স্থাপনৰ পিছত মোদী ইউক্ৰেইন ভ্ৰমণ কৰা প্ৰথমজন ভাৰতীয় প্ৰধানমন্ত্ৰী হিচাপে পৰিগণিত হয়। দুয়োগৰাকী নেতাই শান্তি, অৰ্থনৈতিক সহযোগিতা, সংস্কৃতি, প্ৰতিৰক্ষাকে ধৰি বহু বিষয়ৰ ওপৰত আলোচনা কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
