যোৱা বৰ্ষৰ অক্টোবৰ মাহত বিবাহ বিচ্ছেদ কৰিছিল দক্ষিণৰ অভিনেতা নাগা চৈতন্য আৰু মোহময়ী অভিনেত্ৰী ছামান্থা প্ৰভুৱে৷
বিচ্ছেদৰ কথা ঘোষণা কৰি নাগা চৈতন্যই সামাজিক মাধ্যমত লিখিছিল, ‘‘বহু আলোচনা আৰু চিন্তা চৰ্চাৰ অন্তত মই আৰু ছেম(ছামান্থা) পৃথক হোৱাৰ সিদ্ধান্ত লৈছো৷ আমাৰ এটা দশকৰো অধিক সময়ৰ বন্ধুত্ব৷ বিশ্বাস কৰিছো, সেই বন্ধুত্ব আমাৰ মাজত বিশেষ ৰূপত অটুত থাকিব৷’’
বিচ্ছেদৰ পিছত ছামান্থাইও মুখ খুলিছে৷ হলিউদৰ অভিনেতা উইল স্মীথৰ কথাৰে ছামান্থাই সামাজিক মাধ্যমত লিখিছে, ‘‘৩০ বছৰ ধৰি ব্যৰ্থতা, বিচ্ছেদ, অপমান, মৃত্যুৰ মাজেৰে আগবাঢ়িছো৷ ধন নষ্ট হৈছে৷ মৃত্যুৰ ভাবুকিও লাভ কৰিছো৷ সংসাৰ ভাঙি গৈছে৷ ব্যক্তিগত সকলো ৰাজহুৱা হৈছে৷ সকলোবোৰ ভাঙি গৈছে৷’’
মোহময়ী অভিনেত্ৰীগৰাকীয়ে আৰু লিখিছে, ‘‘আকৌ এটা এটাকৈ জীৱনৰ ইটা গাঁঠিছো৷ জীৱনত যিয়ে নঘটক কিয়, তোমাৰ সন্মুখত ইটা থাকিবই৷ কথাটো হ’ল, তুমি ইয়াক নতুনকৈ গাঁঠিবা নে নাই!’’
ইয়াৰ পিছত ছামান্থাই মানসিকভাৱে শক্তিশালী হৈ পুনৰ লিখিছে, ‘‘পৰিশ্ৰম কৰা৷ ভুলৰ পৰা শিক্ষা লোৱা৷ আত্মবিশ্লেষণ কৰি নিজকে আকৌ কামত নিয়োজন কৰা৷ কেতিয়াও ভাঙি নপৰিবা৷ হাঁহি আৰু ঠাট্টা থাকিবই৷’’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
