অসম লাইভ২৪ঃ জীৱনটোৰ বাবেইতো আমাৰ অ’তবোৰ আয়োজন থাকে৷ জীয়াই থকাৰ হেঁপাহ বুকুত বান্ধিয়েই আপোনাৰ, মোৰ, প্ৰত্যেকৰেই সংগ্ৰাম চলি থাকে৷ তাই সাহসী৷ সাহসেৰেই তাই অ’তদিনে যুঁজখন অকলেই চলাই ৰাখিছে৷ ঠিকেই আমি ক’ব বিচাৰিছো সামাজিক মাধ্যমত প্ৰায়েই ভাইৰেল হোৱা এখন বিশেষ হাতৰ গৰাকীৰ কথা৷ সামাজিক মাধ্যমত সদা সক্ৰিয় সন্যা সিনী ওৰফে লিম্পী পাঠকৰ কথা৷ সন্যা সিন্নী এতিয়া খুবেই অসুস্থ৷
সন্যা সিন্নী বৃক্কৰ জটিল ৰোগত আক্ৰান্ত হৈ বিগত কেইবামাহ ধৰি গুৱাহাটী চিকিৎসা মহাবিদ্যালয়ত চিকিৎসাধীন হৈ আছে৷ শেহতীয়াভাৱে বেছিকৈয়ে অসুস্থ হৈ পৰিছে সন্যা সিন্নী৷ সন্যা সিন্নীৰ ৰোগৰ চিকিৎসা অসমত সম্ভৱ নোহোৱাৰ বাবেই উন্নত চিকিৎসাৰ বাবে তেওঁক বাহিৰলৈ লৈ যোৱাৰ পৰামৰ্শও দিয়া হৈছে৷ কিন্তু… এই কিন্তুটোৱেই হৈছে সন্যাৰ আৰ্থিক পৰিস্থিতি৷ সন্যা সিন্নীৰ উন্নত চিকিৎসাৰ বাবে বাহিৰলৈ লৈ যাবলৈ প্ৰয়োজন হ’ব প্ৰায় ৫ৰ পৰা ৮লাখ টকা৷ এই অৰ্থ যোগাৰ কৰিব নোৱাৰিয়েই অসহায় হৈ পৰিছে সন্যা সিন্নীৰ পৰিয়াল৷ তেওঁৰ ঘনিষ্ঠ একাংশই সামাজিক মাধ্যমত শ্বেয়াৰ কৰিছে সন্যাৰ বেংক ডিটেইলছ৷ আপুনিও সন্যাক নতুন জীৱন দিয়াৰ এই কামত অকণমান সহায় আগবঢ়াব পাৰে৷
RAJU PATHAK
AC NO . 34201417366
IFSC : SBIN0009403
6003455767 Phonepee/gpay
বেলিফুৰ ভালপোৱা সন্যাক আপোনাৰ অলপমান সহায়েই জীয়াই তুলিব পাৰিব৷ ৰঙ ভালপোৱা ছোৱালীজনীক এন্ধাৰ বাটৰ পৰা উভতাই অনাৰ দায়িত্বহয়তো একোগৰাকী মানৱদৰদী প্ৰত্যেকজন ব্যক্তিৰেই৷ সম্ভাৱনাময় সৃষ্টিৰ ধাৰা সন্যাই বোৱাই থাকিব৷ ৰঙ তুলিকা হাতত তুলি আকৌ এবাৰ ছবিৰেই সন্যাই কথা ক’ব৷ এই যাত্ৰাত কেৱল সন্যাক আপুনিও অকণমান সহায় আগবঢ়াওক৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
