SBI Clerk Pre Exam পদৰ বাবে আবেদন কৰা প্ৰাৰ্থীৰ বাবে গুৰুত্বপূৰ্ণ খবৰ। ভাৰতীয় ষ্টেট বেংকে জুনিয়ৰ এছ’চিয়েট ক্লাৰ্কৰ প্ৰাৰম্ভিক পৰীক্ষাৰ সময়সূচী প্ৰকাশ কৰিছে। প্ৰাথমিক পৰীক্ষাৰ বাবে প্ৰস্তুতি চলোৱা প্ৰাৰ্থীসকলে অতি সোনকালে পৰীক্ষাত অৱতীৰ্ণ হ’ব পাৰিব। এই নিযুক্তি পৰীক্ষাৰ জৰিয়তে মুঠ ৯,১২৪ গৰাকী পৰীক্ষাৰ্থী বাছনি কৰা হ’ব।
কেতিয়া হ’ব পৰীক্ষা?
এছ বি আইয়ে জাৰি কৰা আনুষ্ঠানিক অধিসূচনা অনুসৰি ২০২৬ চনৰ ২৬ আৰু ২৭ ছেপ্টেম্বৰত অনুষ্ঠিত হ’ব জুনিয়ৰ এছ’চিয়েট ক্লাৰ্ক প্ৰাৰম্ভিক পৰীক্ষা। প্ৰাথমিক পৰীক্ষাত পৰীক্ষাৰ্থীসকলক ইংৰাজী ভাষা, সংখ্যাগত ক্ষমতা, আৰু যুক্তিৰ ক্ষমতা বিষয়ৰ পৰা ১০০ নম্বৰ বহন কৰি ১০০টা প্ৰশ্ন কৰা হ’ব। পৰীক্ষাৰ সময়সীমা এঘণ্টা। লগতে প্ৰতিটো ভুল উত্তৰৰ বাবে এক চতুৰ্থ নম্বৰৰ ঋণাত্মক নম্বৰ দিয়া হ’ব।
কেতিয়া দিয়া হ’ব এডমিট কাৰ্ড?
পৰীক্ষাৰ কেইদিনমান পূৰ্বে প্ৰাৰম্ভিক পৰীক্ষাৰ এডমিট কাৰ্ড মুকলি কৰিব এছ বি আইয়ে। ইয়াত উল্লেখ কৰা পদক্ষেপসমূহ অনুসৰণ কৰি প্ৰাৰ্থীসকলে তেওঁলোকৰ এডমিট কাৰ্ড ডাউনলোড কৰিব পাৰিব।
- এডমিট কাৰ্ড ডাউনলোড কৰিবলৈ প্ৰাৰ্থীসকলে প্ৰথমে অফিচিয়েল ৱেবছাইট sbi.bank.in চাব লাগিব।
- ৱেবছাইটৰ হোমপেজত এডমিট কাৰ্ড শিতানত ক্লিক কৰিব লাগিব।
- ইয়াৰ পিছত আপুনি SBI Junior Associates Clerk Pre Admit Card 2026 লিংকত ক্লিক কৰিব লাগিব।
- লিংকটোত ক্লিক কৰাৰ পিছত লগইনৰ সবিশেষ দিব লাগিব।
- লগইনৰ বিৱৰণ দিয়াৰ পিছত স্ক্ৰীণত এডমিট কাৰ্ড খোল খাব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
