এখন বিদ্যালয়ৰ এক অদ্ভুত নিৰ্দেশে বিদ্যালয়খনৰ শিক্ষাৰ্থীসকলৰ অভিভাৱকসকলক হতভম্ব কৰি তুলিছে৷ বিদ্যালয়খৰ কৰ্তৃপক্ষই নিৰ্দেশ দিছে যে গৰমত ছাত্ৰ-ছাত্ৰী সকলোৱে স্কাৰ্ট পিন্ধিব লাগিব৷
এই অদ্ভুত নিৰ্দেশ জাৰি কৰা বিদ্যালয়খন হৈছে ব্ৰিটেইনৰ৷ বিদ্যালয়খনে জাৰি কৰা নিৰ্দেশত কোৱা হৈছে যে যদি কোনো ছাত্ৰ-ছাত্ৰীয়ে গৰমত অসুবিধা পায়, তেন্তে তেওঁ স্কাৰ্ট পিন্ধি স্কুললৈ আহিব পাৰে, কিন্তু শ্বট পিন্ধিবলৈ অনুমতি দিয়া নহ’ব। বিদ্যালয়খনৰ এই নিৰ্দেশত স্তম্ভিত হৈ পৰিছে অভিভাৱককে ধৰি ছাত্ৰ-ছাত্ৰীসকলো।
মেট্ৰ’ নিউজ.ইউ কেত প্ৰকাশিত এক প্ৰতিবেদন অনুসৰি বিট্ৰেইনৰ নৰ্ফকত অৱস্থিত ৱাইমণ্ডহাম হাই একাডেমীয়ে ইউনিফৰ্ম সন্দৰ্ভত এই নিৰ্দেশ দিছে। বিদ্যালয়খনে কয় যে এইটো এটা লিংগ নিৰপেক্ষ নীতি। কিন্তু বিদ্যালয়ৰ এই নিৰ্দেশৰ বিৰোধিতা কৰিছে ছাত্ৰ-ছাত্ৰীৰ অভিভাৱকসকলে।
লগতে পঢ়ক প্ৰথম বিভাগত HS উত্তীৰ্ণ ছাত্ৰীক স্কুটি আৰু মেট্ৰিক পৰীক্ষাৰ্থীক লেপটপ প্ৰদান কৰিব চৰকাৰে!
ইফালে বিদ্যালয়খনৰ অভিভাৱকসকলে বিদ্যালয়খনৰ এই নিৰ্দেশ বিৰোধিতা কৰিছে৷ তেওঁলোকে কয় যে ছাত্ৰ-ছাত্ৰীয়ে স্কাৰ্ট পিন্ধিব নোৱাৰে। স্কুলৰ নিৰ্দেশটো মানি ল’ব নোৱাৰি। অভিভাৱকসকলে গৰমৰ বাবে শিক্ষাৰ্থীসকলক শ্বৰ্ট ড্ৰেছ পৰিধান কৰাৰ অনুমতি দিবলৈ আহ্বান জনাইছিল৷
উল্লেখ্য যে ব্ৰিটেইনত গ্ৰীষ্ম প্ৰৱাহ আৰম্ভ হোৱাত বহু ঠাইত উষ্ণতাই ৩০ ডিগ্ৰী চেলছিয়াছ স্পৰ্শ কৰিছে। সেয়ে গ্রীষ্মকালত ছাত্র-ছাত্রীসকলক শ্বট পিন্ধিবলৈ অনুমতি দিবলৈ বিদ্যালয় প্রশাসনক দাবী কৰা হৈছিল যদিও বিদ্যালয়খনে সেই দাবী মানি লোৱাৰ পৰিৱৰ্তে অন্য নির্দেশহে জাৰি কৰিছে৷
লগতে পঢ়ক কৰ্মচাৰীৰ বাবে সুখবৰ! বৃদ্ধি হ’ব মৰগীয়া ভাট্টা! বাকী থকা মৰগীয়া ভাট্টা কেতিয়া পাব কৰ্মচাৰীয়ে?
তাৎপৰ্যপূৰ্ণভাৱে প্ৰধান শিক্ষক জনাথন ৰকিয়ে স্কুলৰ নিৰ্দেশক সমৰ্থন কৰি কয় যে বিদ্যালয়ৰ সিদ্ধান্ত সলনি কৰা নহয়। ছাত্ৰ-ছাত্ৰীৰ বাবে মাত্ৰ ২ টা বিকল্প আছে। তেওঁলোকে স্কাৰ্ট বা ট্ৰাউজাৰ পিন্ধিব পাৰে।
ইফালে অভিভাৱকসকলে কয় যে বিদ্যালয় প্ৰশাসনে তেওঁলোকৰ আহ্বান অথবা দাবী কৰ্ণপাত কৰা নাই। তেওঁলোকৰ মতে এই সিদ্ধান্ত ছাত্ৰ-ছাত্ৰীৰ স্বাৰ্থত নহয়। প্ৰচণ্ড গৰমতো ট্ৰাউজাৰ পিন্ধিবলৈ বাধ্য কৰা হৈছে যিটো স্বাস্থ্য আৰু সুৰক্ষা সম্পৰ্কীয় বিষয় স্পৰ্শকাতৰ বিষয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
