কেন্দ্ৰীয় চৰকাৰৰ কৰ্মচাৰীয়ে আকৌ এবাৰ লাভ কৰিব পাৰে ভাল খবৰ। মৰগীয়া ভাট্টা বৃদ্ধিৰ লগে লগে চৰকাৰে ১৮ মাহৰ বাকী থকা বকেয়া ধন সন্দৰ্ভতো এক গুৰুত্বপূৰ্ণ সিদ্ধান্ত ল’ব পাৰে। আচলতে কেন্দ্ৰীয় কৰ্মচাৰীয়ে দীৰ্ঘদিন ধৰি চৰকাৰক তেওঁলোকৰ প্ৰাপ্য ডি এ আদায় দিবলৈ দাবী জনাই আহিছে।
অহা মাহত চৰকাৰে লাখ লাখ কৰ্মচাৰীৰ বাকী থকা ডি এ দিব পাৰে বুলি সংবাদ মাধ্যমৰ প্ৰকাশ পাই আহিছে। দৰাচলতে ২০২০ চনৰ জানুৱাৰীৰ পৰা ২০২১ চনৰ জুন মাহলৈকে কোভিডকালীন পৰিস্থিতিৰ বাবে চৰকাৰে বন্ধ কৰি ৰখা ডি এৰ প্ৰদানৰ বাবে কেন্দ্রীয় কর্মচাৰীসকলে অহৰহ দাবী কৰি আহিছে৷
ইয়াৰ পূৰ্বে বাতৰিত প্ৰকাশ পাইছিল যে চৰকাৰে বাকী থকা বকেয়া ২ লাখ টকা কৰ্মচাৰীৰ একাউণ্টত জমা কৰিব৷ কিন্তু কেন্দ্ৰীয় চৰকাৰে এতিয়ালৈকে কৰ্মচাৰীসকলক প্ৰাপ্য ভাট্টাখিনি প্ৰদান কৰা নাই৷ এতিয়া কোৱা হৈছে যে চৰকাৰে কেন্দ্ৰীয় কৰ্মচাৰীৰ একাউণ্টত এককালীনভাৱে ১.৫০ লাখ টকা দিবলৈহে প্ৰস্তুতি চলাইছে।
লগতে পঢ়ক ভাৰতত ধনী মানুহ নিৰাপদ নহয় কিয়? চৰকাৰ আৰু হিন্দুত্ব ভয়ত পলাইছে নেকি ধনকুবেৰ?
সূত্ৰৰ মতে বিত্ত মন্ত্ৰালয়ৰ কৰ্মচাৰী আৰু প্ৰশিক্ষণ বিভাগ আৰু ব্যয় বিভাগৰ বিষয়াসকলৰ যুটীয়া পৰামৰ্শদাতা ব্যৱস্থা (জে এছ এম)ৰ এখন বৈঠক অনুষ্ঠিত হ’ব। ইয়াত কৰ্মচাৰীসকলৰ বকেয়া পৰিশোধৰ ওপৰত আলোচনা হ’ব পাৰে। এই বৈঠকত ডিএ বৃদ্ধিৰ সন্দৰ্ভতো ঘোষণা হোৱাৰ সম্ভাৱনা আছে।
উল্লেখ্য যে বৰ্তমান সময়ত কেন্দ্ৰীয় কৰ্মচাৰীসকলক ডি এ ৩৪ শতাংশ হাৰত প্ৰদান কৰি থকা হৈছে, কিন্তু এ আই চি পি আইৰ তথ্য অনুসৰি জুলাই মাহত ডি এ আৰু ৫ৰপৰা ৬% বৃদ্ধি হ’ব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
