অতিকে শোকাৱহ, সামৰিক বিমান দুৰ্ঘটনাগ্ৰস্ত, সৈন্যসহ বহুকেইগৰাকীয়ে হেৰুৱালে প্ৰাণ
উত্তৰ আফ্ৰিকাৰ দেশ চুডানৰ ৰাজধানী খাৰ্টুমৰ উপকণ্ঠ অঞ্চলত দুৰ্ঘটনাগ্ৰস্ত হৈছে এখন সামৰিক বিমান। এই বিমান দুৰ্ঘটনাত বহু কেইগৰাকী বিষয়া আৰু সাধাৰণ নাগৰিকৰ মৃত্যু হোৱা বুলি জানিব পৰা গৈছে ।
মঙলবাৰে সন্ধিয়া দেশখনৰ সামৰিক বাহিনীৰ ফালৰ পৰা প্ৰকাশিত এক বিবৃতিত জানিব পৰা যায় যে, বিমানখন বিমানবন্দৰৰ পৰা উৰা মৰাৰ সময়তে দুৰ্ঘটনাত পতিত। যাৰ ফলতেই বিমানখত থকা সৈন্য আৰু সাধাৰণ নাগৰিকৰ মৃত্যু হয়। লগতে বহু লোক আহত হৈছে।
আহতসকলক নিশাই ততাতৈয়াকৈ চিকিৎসালয়লৈ লৈ যোৱা হয় আৰু অগ্নিনিৰ্বাপক বাহিনীয়ে দুৰ্ঘটনাস্থলীত জুই নিয়ন্ত্ৰণ কৰিবলৈ সক্ষম হয়।
আনহাতে জানিব পৰা মতে, এই দুৰ্ঘটনাৰ কাৰণ বিমান খনৰ কাৰিকৰী বিজুতি। যাৰ ফলতেই উৰা মৰাৰ পাছতেই দুৰ্ঘটনাত পতিত বিমানখন।
প্ৰত্যক্ষদৰ্শীয়ে জনোৱা মতে, বিমানখন দুৰ্ঘটনাগ্ৰস্ত হোৱা অঞ্চলত বহু ঘৰৰ ক্ষতিসাধন হৈছে। উত্তৰ ওমদুৰমানৰ বাসিন্দাসকলে জনোৱা মতে, বিমান দুৰ্ঘটনাৰ ফলত এক বৃহৎ বিস্ফোৰণ ঘটে, যাৰ ফলত ওচৰৰ কেইবাটাও অঞ্চলত বিদ্যুৎ বিচ্ছিন্ন হযৈ পৰে।
এই দুৰ্ঘটনাটোৰ ফলত বৰ্তমানলৈ কিমান লোকে প্ৰাণ হেৰুৱাইছে সেই বিষয়ে কোনো সঠিত তথ্য প্ৰকাশ পোৱা নাই, যদিও প্ৰাথমিক তদন্তত ঘটনাস্থলীতে ১০ৰো অধিক লোকৰ মৃতদেহ উদ্ধাৰ হোৱা বুলি সদৰি।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ