অসম লাইভ২৪ঃ ‘পাঠান’ৰ সফলতাৰ পাছতেই অনুৰাগীৰ অপেক্ষা, শ্বাহৰুখৰ আপকামিং ছবিৰ বাবে সকলোৱে অপেক্ষা কৰিছে। চলিত বৰ্ষতেই মুক্তিলাভ কৰি শ্বাহৰুখৰ দুখনকৈ ছবিয়ে। ‘জাৱান’ আৰু ‘ডাংকী’। জাৱানে মুক্তিলাভ কৰিব চলিত বছৰৰ ৭ ছেপ্টেম্বৰত। ইয়াৰ পাছতেই ২২ ডিচেম্বৰত মুক্তিলাভ কৰিব ‘ডাংকী’য়ে।
নৱবৰ্ষতেই দৰ্শকে লাভ কৰিব কিং খানৰ নতুন ছবি। ডাংকীৰ বেছিভাগ শ্বুটিঙেই হৈছে কাশ্মীৰত। ছচিয়েল মিডিয়াত দ্ৰুতগতিত ভাইৰেল হৈছে ছনমাৰ্গৰ পৰা শ্বাহৰুখৰ শ্বুটিঙস্থলীৰ কেইটামান ভিডিঅ’। ছবিৰ পাছতেই ডংকীৰ কেইবাটাও নতুন আপডেট আহিছে। ‘ডাংকি’ মুক্তিৰ পূৰ্বেই ১৫৫ কোটিত বিক্ৰি হৈছে। ৰাজকুমাৰ হিৰানিৰ পৰিচালিত ‘ডাংকি’ ছবিত শ্বাহৰুখে প্ৰথমবাৰ তাপসী পান্নুৰ সৈতে অভিনয় কৰিছে। এই নতুন যুঁটিয়ে দৰ্শকক যে আমোদ দিব পাৰিব সেই আশা কৰিছে বহুজনেই।
‘ডাংকি’ মুক্তিৰ ৫মাহ পূৰ্বেই ১৫৫কোটি টকাৰে অটিটি প্লেটফৰ্মে ক্ৰয় কৰিছে। অৰ্থাৎ মুক্তিৰ পূৰ্বেই ‘ডাংকী’এ আয় কৰিছে ১৫৫ কোটি টকা। অটিটি প্লেটফৰ্ম JioCinema-ই ক্ৰই কৰিছে এই ছবি।
হিন্দী ভাষাত মুক্তি লাভ কৰিবলগা ‘ডংকীয়ে ভাৰতীয় চিনেমা ইতিহাসত একক ভাষাত নিৰ্মিত ছবিৰ ভিতৰত সৰ্বাধিক বেছি আয় কৰা ছবি হিচাপে পৰিলক্ষিত হৈছে। ৰাজকুমাৰ হিৰানিৰ সৈতে শ্বাহৰুখৰ এই যুঁটিয়ে এই সফলতা লাভ কৰাক লৈ বহুতেই শ্বাহৰুখক শুভেচ্ছাও জনাইছে। ডাংকিয়ে যিমান পৰিমানৰ অৰ্থ সংগ্ৰহ কৰিছে সেই ধনতকৈ বহু বেছি পৰিমানৰ ধন শ্বাহৰুখে জাৱানৰ পৰা উপাৰ্জন কৰিছে। মুক্তিৰ পূৰ্বেই জাৱানৰ ইংৰাজী ভাৰ্ছন ক্ৰয় কৰিছে নেটফ্লিক্সে।
ডাংকি ছবিৰে দীৰ্ঘ ৫বছৰৰ পাছত ৰাজকুমাৰ হিৰানিয়ে বলীউডলৈ উভতিছে। ইয়াৰপূৰ্বে মুন্নাভাই এমবিবিএছ, লাগে ৰহৌ মুন্নাভাইৰ দৰে দুখন হীট ছবি তেওঁ মুক্তি দিছে। ইয়াৰোপৰি ‘পি কে’ আমিৰৰ থ্ৰি ইডিয়ট, ৰণবীৰ কাপুৰৰ সঞ্জুৰ দৰে ছবিও তেওঁ পৰিচালনা কৰিছে। ৰাজকুমাৰ হিৰানিৰ প্ৰত্যেকখন ছবিয়েই সমাজলৈ বাৰ্তা কঢ়িয়াই তেনেক্ষেত্ৰত ডাংকীও নিশ্চয় ব্যতিক্ৰম নহ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
