হঠাৎ মুম্বাই এৰিলে শ্বাহৰুখ খানে৷ সূত্ৰৰ খবৰ অনুসৰি সোমবাৰে আমেৰিকালৈ উৰা মাৰিছে শ্বাহৰুখ৷ চিকিৎসাৰ বাবে মাৰ্কিন মুলুকত ভৰি দিছে কিং খানে৷ খবৰ অনুসৰি চকুৰ চিকিৎসাৰ বাবে তেওঁ বিদেশলৈ গৈ থাকে কিন্তু এইবাৰ চকুৰ বাবে নহয় অইন এক ৰোগৰ বাবেহে আমেৰিকালৈ গৈছে শ্বাহৰুখ৷
চলিত বছৰৰ মে মাহত আইপিএলৰ এক মেচত হঠাৎ অসুস্থ হৈ পৰিছিল শ্বাহৰুখ খান৷ তেতিয়া জনা গৈছিল যে শ্বাহৰুখ হীট ষ্ট্ৰোকত আক্ৰান্ত হৈছিল৷ তেওঁক গুজৰাটৰ এক হাস্পতালত ভৰ্তি কৰোৱা হৈছিল৷ তাৰপাছতে তেওঁ সুস্থও হৈ পৰে৷ কেইটামান দিন পূৰ্বে মুকেশ আম্বানীৰ সন্তান অনন্ত আম্বানীৰ বিয়াত সুস্থভাৱেই দেখা গৈছিল শ্বাহৰুখক৷ পৰিয়ালক লৈ বিয়াত উপস্থিত হৈছিল শ্বাহৰুখ৷
তাৰপিছৰে পৰা চকুৰ সমস্যা আৰম্ভ হয় শ্বাহৰুখৰ৷ শ্বাহৰুখত চকুৰ ওপৰিও এখন কান্ধত প্ৰচুৰ বিষ বুলি জনাইছে৷ এফালে আৰিয়ানৰ কেৰিয়াৰ চিজিল লগাবলৈ পোছাকৰ কোম্পানীও খুলিছে শ্বাহৰুখে৷ কন্যাও উপযুক্ত হৈ উঠিছে সেয়ে কন্যাৰ কেৰিয়াৰক লৈয়ো চিন্তা বাঢ়িছে শ্বাহৰুখৰ৷ বলীউড সূত্ৰৰ খবৰ অনুসৰি কন্যা সুহানাৰ বাবে ২০০ কোটি খৰচ কৰি ছবি প্ৰযোজনাৰ কাম কৰিছে বাদশ্বাহে৷ এইসমূহ চলি থকাৰ মাজতে শাৰীৰিক অসুস্থতাই দেখা দিছে শ্বাহৰুখৰ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
