ধৰ্ম সলনি কৰিব নে সোনাক্ষীয়ে! আনহাতে শত্ৰুঘ্ন সিন্হাই ক’লে ২৩ তাৰিখে বিবাহৰ পাৰ্টীহে
সোনাক্ষী সিনহা আৰু জহীৰ ইকবালৰ বিবাহক লৈ এতিয়াও জল্পনা কল্পনাৰ শেষ হোৱা নাই। পিতৃয়ে এক সাক্ষাতত কয়- ২৩ তাৰিখে বিবাহ নহয়, বিবাহৰ পাৰ্টীহে। এক সাক্ষাতত শত্ৰুঘ্ন সিন্হাই নিজেই কয় যে, কন্যাৰ বিয়া আৰু ২৩ তাৰিখে হব লগা ৰিছেপশ্বনত ধুম-ধামেৰে অংশগ্ৰহণ কৰিব।
বিবাহক লৈ বহু ধৰণৰ কথাও ভাইৰেল হৈ আছে যে, সোনাক্ষীৰ পিতৃ-মাতৃ এই বিবাহত সুখী নহয়। অৱশ্যে পিছত শত্ৰুঘ্ন সিন্হাই কয় যে তেওঁৰ কন্যাৰ প্ৰতি তেওঁৰ কোনো ক্ষোভ নাই আৰু তেওঁ সোনাক্ষীৰ প্ৰতিটো সুখত অংশগ্ৰহণ কৰিব।
ইয়াৰ উপৰি ওলাইছে ধৰ্ম পৰিৱৰ্তনৰ কথা। জহীৰক বিয়া কৰাই সোনাক্ষীয়ে মুছলমান ধৰ্ম গ্ৰহণ কৰিব বুলিও খবৰ ওলাইছে। এনে পৰিস্থিতিত জহীৰ ইকবালৰ পিতৃয়ে স্পষ্টকৈ কৈছে যে এনেকুৱা একো নহয়।
সোনাক্ষীয়ে মুছলমান ধৰ্ম গ্ৰহণ নকৰে আৰু এতিয়া দুয়োটা পৰিয়ালৰ মাজত সকলো ঠিকেই আছে। এক সাক্ষাৎকাৰত জহীৰ ইকবালৰ পিতৃয়ে কয় যে, “হিন্দু বা মুছলমান ৰীতি-নীতি অনুসৰি বিবাহ নহয়। ই এক নাগৰিক বিবাহ। মানুহৰ লগত মানুহৰ বিয়া। সোনাক্ষীয়ে ধৰ্ম সলনি কৰা নাই আৰু এইটো নিশ্চিত কথা। ইয়াত হৃদয়ৰ মিলন হৈছে।”
উল্লেখযোগ্য যে ২১ জুন তাৰিখে মেহেন্দী অনুষ্ঠানৰ পৰা সোনাক্ষী আৰু জহীৰৰ বহু ফটো ছ’চিয়েল মিডিয়াত ভাইৰেল হৈ পৰিছে। এই ছবিসমূহ শ্বেয়াৰ কৰিছে দম্পতীহালৰ অতিথি আৰু বন্ধু-বান্ধৱীয়ে। সোণাক্ষীয়ে মেহেন্দিৰ বাবে ৰঙা আৰু হালধীয়া ৰঙৰ পোছাক পিন্ধিছিল। জহীৰ ইকবালে প্ৰিণ্টেড ৰঙা কুৰ্তা আৰু বগা পায়জামা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
