কেৱল পানীৰ লগত মিলাই খাওক এইবিধ বিশেষ গুটি, দূৰ কৰক ৫ বিধ সমস্যা
মানুহে সুস্থ আৰু ফিট হৈ থাকিবলৈ বহু চেষ্টা কৰে। বহু ব্যায়াম, এক্সাৰচাইজ, ডায়েট প্লান আদিয়ো গ্ৰহন কৰে। কিন্তু তথাপি কেতিয়াবা কোনোবাখিনিত সামান্য হলেও পিছ পৰি থাকে। এই ক্ষেত্ৰত এবিধ এনে বীজ তথা গুটি আছে, যি গ্ৰহণ কৰিলে আপুনি বিভিন্ন শাৰীৰিক সমস্যা আঁতৰ কৰাৰ লগতে কিছুমান উপকাৰী গুণো আছে। কেৱল পানীৰ লগত মিহলাই খাব লাগে এই বিশেষ গুটি।
এই সৰু সৰু ক’লা ৰঙৰ গুটিবোৰক অতি কাৰিজমাটিক বুলি গণ্য কৰা হয়। এই গুটি বোৰেই হৈছে চিয়া চিডছতথা বীজ। চিয়া বীজত প্ৰচুৰ পৰিমাণে এন্টিঅক্সিডেন্ট, ওমেগা ৩ ফেটি এচিড, আঁহ আৰু বহুতো খনিজ পদাৰ্থ থাকে। যিয়ে শৰীৰত ইলেক্ট্ৰলাইটৰ অভাৱ পূৰণ কৰে আৰু লগতে শৰীৰক জলসিঞ্চিত কৰি ৰাখে। পুৱা খালী পেটত চিয়া গুটিৰ পানী খালে বহু উপকাৰিতা পোৱা যায়। যেনে-
হৃদযন্ত্ৰ সুস্থ কৰি ৰাখে
চিয়া বীজত কুৱেৰচেটিন নামৰ এটা বিশেষ মৌল থাকে। এই মৌলটো এক প্ৰকাৰৰ এন্টিঅক্সিডেন্ট। এই উপাদানৰ বাবে হৃদযন্ত্ৰৰ বহুতো ৰোগৰ সম্ভাৱনা কমি যায়। কেৱল এয়াই নহয়, চিয়া গুটি আঁহযুক্ত খাদ্য। ইয়াৰ ব্যৱহাৰৰ বাবে উচ্চ ৰক্তচাপো বহু পৰিমাণে নিয়ন্ত্ৰণত থাকে।
ওজন কমি যোৱা
যিসকলে ওজন কমাবলৈ চেষ্টা কৰি ভাগৰি পৰিছে তেওঁলোকৰ বাবেও দৈনিক চিয়া গুটিৰ পানী খোৱাটো উপকাৰী হ’ব পাৰে। চিয়া বীজ সৰু হ’ব পাৰে কিন্তু ই ৩৮ শতাংশ আঁহেৰে গঠিত। এইবোৰ দ্ৰৱণীয় আঁহ যিবোৰ শৰীৰত সহজে শোষিত হয়। যাৰ বাবে ভোকৰ অনুভৱ কমি যায়।
পাচনত সহায় কৰে
হজমৰ উন্নত প্ৰক্ৰিয়াই ওজন কমাবলৈ আৰু সহজ কৰি তোলে। এই প্ৰক্ৰিয়াটো সুচাৰুৰূপে বজাই ৰখাত চিয়া বীজ সহায়ক হয়। খালী পেটত চিয়া গুটি সেৱন কৰিলে পেটটো সুস্থ হৈ থাকে। আঁহযুক্ত খাদ্যৰ বাবে কোষ্ঠকাঠিন্যৰ সমস্যা নাইকিয়া হয়। যদি পেট পৰিষ্কাৰ হয় তেন্তে গোটেই দিনটো হজম শক্তি ভাল থাকে আৰু গধুৰ অনুভৱ নহয়।
ফ্ৰী ৰেডিকেল হ্ৰাস কৰে
চিয়া বীজত এন্টিঅক্সিডেন্ট প্ৰচুৰ পৰিমাণে পোৱা যায়। এই এন্টিঅক্সিডেন্টবোৰে শৰীৰক ফ্ৰী ৰেডিকেলৰ বিৰুদ্ধে যুঁজিবলৈ শক্তি প্ৰদান কৰে। ফ্ৰী ৰেডিকেলৰ বাবে অক্সিডেটিভ চাপ অনুভৱ হয় আৰু কোষবোৰো ক্ষতিগ্ৰস্ত হয়। চিয়া বীজৰ এন্টিঅক্সিডেন্টে ফ্ৰী ৰেডিকেলৰ ক্ষতি কৰিবলৈ নিদিয়ে।
প্ৰদাহ হ্ৰাস কৰে
চিয়া গুটিৰ পানীৰ বাবে শৰীৰৰ আভ্যন্তৰীণ ফুলা, যাক প্ৰদাহ বুলিও কোৱা হয়, কমি যায় বা আৰোগ্য হয়। এই প্ৰদাহৰ ফলত বহু ধৰণৰ ৰোগ হয়। চিয়া বীজৰ পানীয়ে এই বিপদ হ্ৰাস কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
