ডিজিটেল ডেস্কঃ কন্ঠ আৰু ৰূপেৰে হাজাৰ হাজাৰ যুৱতীৰ মন কাঢ়ি নিয়া ইউটিউবাৰ তথা কন্ঠশিল্পী সনম পুৰী শেহতীয়াকৈ বিবাহ পাশত আৱদ্ধ হ’ল। নগা সুন্দৰী zuchobeni tungoeৰ সৈতে বিবাহ পাশত আৱদ্ধ হোৱাৰ পাছতে এতিয়া সকলোৱে অভিনন্দন জ্ঞাপন কৰিছে সনমক।
৩১বছৰীয়া পাঞ্জাৱৰ নিৱাসী সনম পুৰী বিভিন্ন গীতৰ লগতে পুৰণি বহু গীতক নতুনকৈ উপস্থাপন কৰি অতি জনপ্ৰিয় হৈ পৰিছিল। পাঞ্জাৱৰ ৰীতি-নীতিৰে দুয়োৰে মাজত সম্পন্ন হয় বিবাহ।
সনম পুৰীতকৈ প্ৰায় ৬বছৰ সৰু নাগালেণ্ডৰ zuchobeni tungoe। বহুদিনৰে পৰা প্ৰেমৰ সম্পৰ্কত থকাৰ পাছতে দুয়ো সিদ্ধান্ত লৈছিল বিয়াত বহাৰ। ঠিক তেনেকৈয়ে পৰিয়াল আৰু ঘনিষ্ঠ বন্ধুৰ উপস্থিতিত বিয়াখন সুকলমে হৈ যায়।
নাগালেণ্ডৰ কহিমাৰ নিৱাসী zuchobeni tungoe। এটা বেণ্ডৰ সৈতে জড়িত হৈ থকাৰ লগতে সনমৰ লগতো কেইবাটাও গীত পৰিৱেশন কৰিছে zuchobeni tungoeএ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
