পুনৰবাৰ ৰাজপথত প্ৰতিবাদৰ বাবে নামিব কৰ্মী সমাজকৰ্মী সোণম ৱাংচুকে। ২৩ ছেপ্টেম্বৰত লেহত ২০ কিলোমিটাৰ দৈৰ্ঘ্যৰ প্ৰতীকী পদযাত্ৰাৰ নেতৃত্ব দিব, লাডাখক ৰাজ্য হিচাপে গঢ়ি তোলা আৰু সংবিধানৰ ষষ্ঠ অনুসূচীত অন্তৰ্ভুক্ত কৰাৰ দাবীত। প্ৰথমে ১৯ ছেপ্টেম্বৰত এই পদযাত্ৰা অনুষ্ঠিত হোৱাৰ কথা আছিল যদিও বতৰৰ পৰিস্থিতি আৰু নিশা বৃদ্ধি পোৱা ঠাণ্ডাৰ বাবে এই পদযাত্ৰাৰ তাৰিখ সলনি কৰা হৈছে। বৃহস্পতিবাৰে ছ’চিয়েল মিডিয়াৰ জৰিয়তে ৱাংচুকে এই নতুন তাৰিখ আৰু কাৰ্যসূচী ঘোষণা কৰে।
ৱাংচুকৰ মতে, এতিয়া ২৩ ছেপ্টেম্বৰত ২০ কিলোমিটাৰ দৈৰ্ঘ্যৰ প্ৰতীকী পদযাত্ৰা অনুষ্ঠিত হ’ব। ইয়াৰ পিছত ২৪ ছেপ্টেম্বৰত লেহত শ্বহীদ দিৱসৰ অনুষ্ঠান অনুষ্ঠিত হ’ব। তেওঁ এই অনুষ্ঠানত অংশগ্ৰহণ কৰিব বিচৰাসকলক ২২ ছেপ্টেম্বৰৰ ভিতৰত লেহত উপস্থিত হ’বলৈ আহ্বান জনায়। লাডাখৰ প্ৰতিনিধি সংগঠনসমূহে দীৰ্ঘদিন ধৰি অঞ্চলটোৰ বাবে ৰাজ্যিকতা আৰু সংবিধানৰ ষষ্ঠ অনুসূচীৰ সুৰক্ষাৰ দাবী জনাই আহিছে। এই দাবীসমূহৰ উপৰিও ভূমি, নিয়োগ, প্ৰশাসনিক অধিকাৰ, স্থানীয় পৰ্যায়ত আঞ্চলিক প্ৰতিনিধিত্বৰ সৈতে জড়িত বিষয়সমূহো এই আন্দোলনৰ অংশ হৈ আহিছে। এই বিষয়সমূহৰ ওপৰত কেন্দ্ৰীয় চৰকাৰ আৰু লাডাখৰ প্ৰতিনিধিৰ মাজত আলোচনা অব্যাহত আছে। মন কৰিবলগীয়া যে যোৱা বছৰ লেহত সংঘটিত হিংসাত্মক ঘটনাৰ বৰ্ষপূৰ্তি উপলক্ষে ২৪ ছেপ্টেম্বৰত শ্বহীদ দিৱসৰ অনুষ্ঠান অনুষ্ঠিত হ’ব। ২০২৫ চনৰ ২৪ ছেপ্টেম্বৰত ৰাজ্য গঠন আৰু ষষ্ঠ অনুসূচীৰ দাবীত এক বিক্ষোভৰ সময়ত হিংসাত্মক পৰিস্থিতিৰ সৃষ্টি হৈছিল। এই প্ৰতিবাদত আৰক্ষীৰ গুলীত চাৰিজন প্ৰতিবাদকাৰী নিহত হোৱাৰ লগতে বহু সংখ্যক আহত হৈছিল। ইয়াৰ পিছতে লেহত সান্ধ্য আইন জাৰি কৰা হৈছিল আৰু সমাৱেশৰ ওপৰত নিষেধাজ্ঞা আৰোপ কৰা হয়। উপৰিউক্ত লেখা
লাডাখৰ বিভিন্ন প্ৰতিনিধি সংগঠনে দীৰ্ঘদিন ধৰি অঞ্চলটোৰ বাবে ৰাজ্যিক মৰ্যাদা আৰু সংবিধানৰ ষষ্ঠ অনুসূচীৰ সুৰক্ষা বিচাৰি আহিছে। ইয়াৰ লগতে ভূমি আৰু প্ৰাকৃতিক সম্পদৰ সুৰক্ষা, স্থানীয় লোকৰ বাবে নিয়োগৰ সুযোগ, প্ৰশাসনত অধিক অংশগ্ৰহণ আৰু স্থানীয় পৰ্যায়ত অধিক প্ৰতিনিধিত্বৰ দৰে বিষয়ো আন্দোলনৰ সৈতে জড়িত।
ষষ্ঠ অনুসূচীৰ অধীনত অহা অঞ্চলসমূহত স্থানীয় জনজাতীয় সমাজৰ বাবে বিশেষ প্ৰশাসনিক ব্যৱস্থা আৰু স্বায়ত্ত শাসনৰ সুযোগ থাকে। লাডাখৰ প্ৰতিনিধি সংগঠনসমূহে অঞ্চলটোৰ বিশেষ সামাজিক, সাংস্কৃতিক আৰু পৰিৱেশগত পৰিস্থিতিৰ প্ৰতি লক্ষ্য ৰাখি এনে সাংবিধানিক সুৰক্ষাৰ দাবী জনাই আহিছে। কেন্দ্ৰীয় চৰকাৰ আৰু লাডাখৰ প্ৰতিনিধিসকলৰ মাজতো এই বিষয়সমূহক লৈ আলোচনা চলি আছে। চৰকাৰৰ মতে, উচ্চ ক্ষমতাসম্পন্ন সমিতিৰ জৰিয়তে ইতিমধ্যে কেইবাটাও বিষয়ত অগ্ৰগতি হৈছে আৰু পৰৱৰ্তী আলোচনাৰ কাৰ্যসূচীও নিৰ্ধাৰণ কৰা হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
