অসম লাইভ২৪ঃ বিধানসভাৰ অধিৱেশন চলি থকাৰ সময়তে পৰ্ণ চোৱাত ব্যস্ত আছিল বিধায়ক৷ ত্ৰিপুৰাৰ বিজেপি বিধায়ক যাদৱলাল নাথৰ কাণ্ডক লৈ সামাজিক মাধ্যমত অব্যাহত আছে চৰ্চা৷ বিধায়কৰ এই কাৰ্যকলাপক লৈ ক্ষোভিত মুখ্যমন্ত্ৰী মানিক সাহাও৷ ত্ৰিপুৰাৰ বাগবাছা সমষ্টিৰ বিধায়কে চোৱা ভিডিঅ’ও ভাইৰেল হৈ পৰিছে সামাজিক মাধ্যমত৷
ৰাজনীতিৰ পৰিসীমা ভেদি এই খবৰটোৱে মনোৰঞ্জনমূলক খবৰেই হৈ পৰিছে বহুতৰে বাবে৷ ত্ৰিপুৰাৰ বিধায়ক যাদৱলাল নাথৰ এই ভিডিঅ’ক লৈ দক্ষিণৰ অভিনেতা প্ৰকাশ ৰাজেও দিছে বিশেষ মন্তব্য৷ যাদৱলালৰ এই ভিডিঅ’ দেখা মাত্ৰকেই দক্ষিণৰ অভিনেতা প্ৰকাশ ৰাজে বিজেপি দলক আক্ৰমণৰ লক্ষ্য কৰি টুইটাৰত লিখিছে, ‘ব্লু বিজেপি, ধিক্কাৰ, ধিক্কাৰ তোমালোকক৷’
উল্লেখ্য যে বুধবাৰৰ দিনটোত সংঘটিত এই ঘটনাক লৈ ত্ৰিপুৰা বিজেপিৰ সভাপতি ৰাজীৱ ভট্টাচাৰ্যই বিধায়কজনৰ বিৰুদ্ধে প্ৰেৰণ কৰিছে বিশেষ জাননী৷ ইফালে এই সমগ্ৰ ঘটনাক তেওঁৰ বিৰুদ্ধে চলা চক্ৰান্ত বুলি প্ৰকাশ কৰিছে বিধায়ক যাদৱ লাল নাথে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
