কৰ্ণেল ছফিয়া কুৰেশ্বীৰ পাছত এইবাৰ উইং কমাণ্ডাৰ ব্যোমিকা সিঙৰ জাতিক লৈ মন্তব্য সাংসদৰ
অপাৰেচন সিন্দূৰৰ বিষয়ে সাধাৰণ জনতাৰ আগত দাঙি ধৰা কৰ্ণেল ছফিয়া কুৰেশ্বী সন্দৰ্ভত মধ্যপ্ৰদেশৰ মন্ত্ৰী বিজয় শ্বাহে দিয়া বিতৰ্কিত বক্তব্যৰ বাবে সৃষ্টি হোৱা চাঞ্চল্য এতিয়াও মাৰ যোৱা নাই। পাছে তেনে সময়তে এইবাৰ সমাজবাদী পাৰ্টিৰ অন্যতম নেতা তথা সাংসদ ৰাম গোপাল যাদৱে উইং কমাণ্ডাৰ ব্যোমিকা সিঙৰ জাতিক লৈ কৰিছে বিতৰ্কিত মন্তব্য।
যাৰ বাবে এতিয়া ছ’চিয়েল মিডিয়াত বহুতেই প্ৰশ্ন উত্থাপন কৰিছে যে দেশৰ সেৱা কৰা এই সাহসী মহিলাসকলক কিয় এনে ব্যৱহাৰ কৰা হৈছে? ধৰ্মৰ কথা উল্লেখ কৰি এজন নেতাই আপত্তিজনক মন্তব্য কৰাৰ বিপৰীতে আন এজনৰ জাতিৰ কথা উল্লেখ কৰি ৰাজনীতি টানি আনিছে।
https://x.com/ians_india/status/1922967922076680697
সমাজবাদী পাৰ্টিৰ সাংসদ ৰাম গোপাল যাদৱে ব্যোমিকা সিং সন্দৰ্ভত কয়, “…তেওঁলোকে জনা নাছিল যে ভ্যোমিকা সিং কোন আছিল বা তেওঁৰ জাতিটো কি, আৰু তেওঁলোকে এইটোও জনা নাছিল এয়াৰ মাৰ্শেল এ. কে. ভাৰতী কোন। নহলে, তেওঁলোকেও এওলোকক গালি দিছিলহেঁতেন। মই আপোনালোকক ক’ব খুজোঁ — ভ্যোমিকা সিং হৈছে হাৰিয়ানাৰ ‘জাটাভ চামাৰ’, আৰু এয়াৰ মাৰ্শেল এ. কে. ভাৰতী হৈছে পুৰ্নিয়াৰ যাদৱ। এই তিনিওজন PDA (পিছড়া-দলিত-আদিবাসী) শ্ৰেণীৰ লোক। এজনক গালি দিয়া হৈছিল কাৰণ তেওঁক মুসলিম বুলি ভাবিছিল, এজনক ৰাজপুত বুলি ভাবি একো নক’লে,”
ৰাম গোপাল যাদৱৰ মন্তব্যৰ পাছতে উত্তৰ প্ৰদেশৰ মুখ্যমন্ত্ৰী যোগী আদিত্যনাথৰ প্ৰতিক্ৰিয়া প্ৰকাশ পাইছে। যোগী আদিত্যনাথে লিখিছে- সেনাবাহিনীৰ পোছাক ‘জাতিবাদী চশমা’ৰ দ্বাৰা দেখা নাযায়। ভাৰতীয় সেনাৰ প্ৰতিজন সৈনিকে ‘ৰাষ্ট্ৰধৰ্ম’ পালন কৰে আৰু কোনো জাতি বা ধৰ্মৰ প্ৰতিনিধি নহয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
