কেইবাঘণ্টীয়া অভিযান, বিশাল আৰু চুমীৰ ঘৰৰ পৰা কি কি মূল্যবান সামগ্ৰী জব্দ আৰক্ষীৰ?

আৰক্ষীৰ হাতত অৱশেষত ধৰা পৰা প্ৰৱঞ্চক বিশাল ফুকনৰ ঘৰত আৰক্ষীয়ে চলাইছে কেইবাঘণ্টীয়া অভিযান৷

এই অভিযানত কি কি সামগ্ৰী লাভ কৰিলে আৰক্ষীয়ে সেই বিষয়টোক জানিবলৈ আগ্ৰহী এতিয়া বহুজন৷

মানি ট্ৰেডিঙৰ নামত কোটি কোটি ধন আত্মসাৎ কৰি গ্ৰেপ্তাহ হৈছে বিশাল ফুকন৷

বিশালৰ গ্ৰেপ্তাৰৰ পাছতেই আৰক্ষীয়ে অভিযান চলাইছে কৰিঅ’গ্ৰাফাৰ চুমি বৰাক বিচাৰি৷

আৰক্ষীয়ে চুমি আৰু বিশাল দুয়োৰে ঘৰত অভিযান চলাই লাভ কৰিছে কেইবাটাও সামগ্ৰী৷

বিশালৰ লগতে বিশালৰ মেনেজাৰ বিপ্লৱ হাজৰিকাকো আটক কৰিছে আৰক্ষীয়ে৷

বিশালৰ প্ৰৱাঞ্জলি এপাৰ্টমেণ্টৰ পৰা ছিকিউৰিটি গাৰ্ড এজনকো আৰক্ষীয়ে সোধপোছৰ বাবে লৈ গৈছে৷

আৰক্ষীৰ কেইবাঘণ্টীয়া অভিযানত বিশালৰ ঘৰৰ পৰা উদ্ধাৰ হৈছে জাপে জাপে বিদেশী মুদ্ৰা৷

UAEৰ কাৰেন্সী ডিৰহাম উদ্ধাৰৰ ওপৰিও আৰক্ষীয়ে জব্দ কৰিছে ৬টাকৈ আইফোন৷

ইফালে চুমী বৰাৰ ডিব্ৰুগড় বাণীপুৰস্থিত এপাৰ্টমেণ্টৰ পৰা আৰক্ষীয়ে জব্দ কৰিছে এটা আইফোন৷

ইফালে বিশালৰ বেংক একাউণ্টো জব্দ কৰিছে আৰক্ষীয়ে৷

সোমবাৰে গ্ৰেপ্তাৰ হোনা বিশালক আজি স্বাস্থ্য পৰীক্ষা কৰোৱাইছে আৰক্ষীয়ে৷

৬০ দিনত ৩০ শতাংশ নিশ্চিত ৰিটাৰ্ণ দিয়াৰ লোভ দেখুৱাই ধন সংগ্ৰহ কৰিছিল বিশালে৷

কম দিনত ধনী হোৱাৰ সপোনেৰে বহুতেই কোটি কোটি ধন বিনিয়োগ কৰিছিল বিশালৰ ওচৰত৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ