আজিকালি পুৰুষ-মহিলা সৌন্দৰ্যৰ প্রতি সকলো সচেতন। সুন্দৰ এখন ছাল,সুন্দৰ একোচা চুলি সকলোৱে বিচাৰে ৷ যদিও বাস্তৱত সেয়া হৈ নুঠে ৷ বিশেষকৈ গৰম দিনত নিজৰ যতন লোৱাটো কষ্টকৰ হৈ পৰে। যাৰ ফলত আমি ছাল-চুলিৰ বিভিন্ন সমস্যাত পৰিব লগীয়া হয়। আপুনিও বাৰু এনেবোৰ সমস্যাত ভুগিছে নেকি ?
ছালৰ যতন
গৰমত ছালৰ সমস্যা ৰোধ কৰিবলৈ পৰ্যাপ্ত পৰিমাণৰ পানী খোৱাটো দৰকাৰ। কাৰণ পানীয়ে আমাৰ শৰীৰটো হাইড্ৰেড কৰি ৰাখে। লগতে সেউজীয়া শাক-পাচলি, ফলমূল আদি খোৱাটো দৰকাৰ। গৰমত ঘাম ওলোৱাৰ ফলত আমি দুৰ্বল হৈ পৰো, গতিকে প্ৰতিদিনে ৮-১০ গিলাচ পানী খাব।
গৰমৰ ধূলি-ৰ’দৰ বাবে আমাৰ ছালখন তেলীয়া হৈ পৰে আৰু বহুতো পিম্পলচ ওলায়। সেয়ে মুখত এলোভেৰা জেল ব্যৱহাৰ কৰিব পাৰো।
যদি গৰমতো আপোনাৰ মুখখন অত্যাধিক শুকান হয় তেন্তে আপুনি কলৰ ফেচ পেক প্ৰয়োগ কৰিব পাৰে। আপুনি কলখিনি মিহি কৰি গাখীৰ, মৌ যোগ দি ইয়াক মুখত প্ৰয়োগ কৰক। গৰমত ছালৰ উজ্জ্বলতা বৃদ্ধিৰ বাবে তিয়হ খোৱাৰ উপৰিও ফেচপেক হিচাপে ব্যৱহাৰ কৰিব পাৰে।
চুলিৰ যতন
গৰমত চুলিৰ তেলীয়ভাৱ দূৰ কৰিবলৈ প্ৰতিদিনে নহ’লেও ২ দিনকৈ মূৰ ধোৱাৰ অভ্যাস কৰক আৰু ড্ৰাই চেম্পু ব্যৱহাৰ কৰিব পাৰে।
চুলিখিনি যিমান পাৰি গৰমত ঢিলাকৈ বান্ধিবলৈ চেষ্টা কৰক। কাৰণ ঢিলাকৈ বান্ধিলে চুলি সৰাটো কম হয়।
বাহিৰলৈ ওলাই গ’লে মূৰত স্কাৰ্ফ বান্ধি ৰাখক। তেতিয়া ধূলি-বালি পৰা চুলিখিনি বচাই ৰাখিব পাৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
