২০২৬ চনৰ প্ৰথম ছুপাৰমুন আজি সন্ধিয়াৰ আকাশত দেখা গৈছে৷ এই মহাজাগতিক ঘটনাৰ সময়ত চন্দ্ৰক অইন দিনাতকৈ অৰ্থাৎ স্বাভাৱিকৰ তুলনাত বহু বেছি ডাঙৰ আৰু উজ্জ্বল দেখা যায়৷ সূৰ্যাস্তৰ পাছতেই পূৰ্ব আকাশত দেখা যায় ছুপাৰমুন৷ নাছা আৰু স্পেছ ডটকমৰ তথ্য অনুসৰি আজি সন্ধিয়াই আকাশত এই ছুপাৰ মুন দেখা গৈছে৷
এই ছুপাৰমুনৰ আন এক নাম হৈছে উলফ মুন৷ বছৰৰ অন্য সময়ৰ পূৰ্ণিমাৰ তুলনাত আজিৰ এই জোন প্ৰায় ১৪ শতাংশ ডাঙৰ আৰু ৩০ শতাংশ বেছি উজ্জ্বল দেখা গৈছে৷ চন্দ্ৰ যেতিয়া পৃথিৱীৰ নিচেই কাষলৈ আহে তেতিয়া পৃথিৱীৰ বায়ুমণ্ডলৰ স্তৰৰ কাৰণে ইয়াক বহু বেছি কমলাৰঙৰ হৈ পৰা যেন লাগে৷ এইয়া এক দৃষ্টিভ্ৰম বা মুন ইলিউছনো৷
ছুপাৰমুন কেনেকৈ হয় সেয়া জানিবলৈ বহুজনে আগ্ৰহীও হৈ থাকে৷ চন্দ্ৰই যেতিয়া পৃথিৱীৰ চাৰিওফালে ঘূৰি ঘূৰি তাৰ কক্ষপথৰ সকলোতকৈ কাষৰ বিন্দুলৈ আহে আৰু সেই সময়তেই যদি পূৰ্ণিমা হয় তেতিয়া এই পূৰ্ণিমাকেই কোৱা হয় ছুপাৰমুন৷ আজি পৃথিৱীৰ পৰা চন্দ্ৰৰ দূৰত্ব হৈছে প্ৰায় ৩লাখ ৬২ হাজাৰ ৬৪১ কিঃমিঃ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
