উচ্চতম ন্যায়ালয়ৰ ঐতিহাসিক সিদ্ধান্ত, ST-SCৰ ক্ষেত্ৰত প্ৰথম বাৰৰ বাবে…!
৭৫ বছৰীয়া ইতিহাসত প্ৰথমবাৰৰ বাবে উচ্চতম ন্যায়ালয়ে গ্ৰহণ কৰিলে এক ঐতিহাসিক সিদ্ধান্ত। অনুসূচিত জাতি (SC) আৰু অনুসূচিত জনজাতি (ST) শ্ৰেণীৰ কৰ্মচাৰীৰ প্ৰত্যক্ষ নিযুক্তি আৰু পদোন্নতিৰ ক্ষেত্ৰত সংৰক্ষণৰ আনুষ্ঠানিক নীতি ৰূপায়ণ।
এই সিদ্ধান্তৰ বিষয়ে ২৪ জুনত উচ্চতম ন্যায়ালয়ৰ সকলো কৰ্মচাৰীক জাৰি কৰা এখন বিজ্ঞপ্তিযোগে অৱগত কৰা হয়।
এই ব্যৱস্থা কাৰ্যকৰী হোৱাৰ পাছত উচ্চতম ন্যায়ালয়ত কৰ্মচাৰীৰ প্ৰত্যক্ষ নিযুক্তি আৰু পদোন্নতিৰ ক্ষেত্ৰত অনুসূচিত জাতি শ্ৰেণীৰ বাবে ১৫ শতাংশ আৰু অনুসূচিত জাতি শ্ৰেণীৰ বাবে ৭.৫ শতাংশ পদ সংৰক্ষিত কৰা হ’ব। এই ব্যৱস্থা ২৩ জুন ২০২৫ৰ পৰা কাৰ্যকৰী হৈছে।
লগতে ইয়াত এইটো কথাও স্পষ্ট কৰি দিছে যে এই সংৰক্ষণ ন্যায়াধীশৰ বাবে নহয়, এই নীতি কেৱল ন্যায়ালয়ৰ পঞ্জীয়ক, জ্যেষ্ঠ ব্যক্তিগত সহায়ক, সহকাৰী লাইব্ৰেৰিয়ান, কনিষ্ঠ আদালতৰ সহায়ক আৰু চেম্বাৰ পৰিচাৰক আদি পদত প্ৰযোজ্য হ’ব।
চি জে আই ভূষণ গাভাইয়ে এই ক্ষেত্ৰত যে সকলো চৰকাৰী প্ৰতিষ্ঠান আৰু বহু উচ্চ ন্যায়ালয়ত ইতিমধ্যে অনুসূচিত জাতি আৰু অনুসূচিত জনজাতিৰ বাবে সংৰক্ষণৰ ব্যৱস্থা আছে, গতিকে উচ্চতম ন্যায়ালয়ক ইয়াৰ বাহিৰত কিয় ৰখা হ’ব? আমি বহুতো ঐতিহাসিক সিদ্ধান্তত ইতিবাচক কাৰ্য্যক সমৰ্থন কৰিছো আৰু এটা প্ৰতিষ্ঠান হিচাপে আমি ইয়াতো এই নীতি কাৰ্যকৰী কৰা উচিত। আমাৰ কামত আমাৰ নীতি-নিয়ম প্ৰতিফলিত হোৱা উচিত।
২৪ জুনত উচ্চতম ন্যায়ালয়ে নতুন সংৰক্ষণ নীতি সন্দৰ্ভত এখন চাৰ্কুলাৰ জাৰি কৰিছিল। ইয়াৰ ভিতৰত সকলো কৰ্মচাৰী আৰু পঞ্জীয়কক অৱগত কৰা হৈছে যে উচ্চতম ন্যায়ালয়ৰ আভ্যন্তৰীণ নেটৱৰ্ক ‘ছাপনেট’ত মডেল ৰিজাৰ্ভেচন ৰষ্টাৰ আৰু ৰেজিষ্টাৰ আপলোড কৰা হৈছে আৰু ই ২৩ জুনৰ পৰা কাৰ্যকৰী হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
