অসম লাইভ ২৪ঃ আইনী প্ৰক্ৰিয়া, আদালত আৰু জনতাৰ মাজৰ দূৰত্ব হ্ৰাস কৰাৰ উদ্দেশ্যে কেন্দ্ৰই গ্ৰহণ কৰিছে এক গুৰুত্বপূৰ্ণ সিদ্ধান্ত। শীঘ্ৰেই দেশৰ সকলো উচ্চ ন্যায়ালয় আৰু জিলা আদালতৰ পৰা ন্যায়িক প্ৰক্ৰিয়াৰ লাইভ ষ্ট্ৰীমিং আৰম্ভ হ’ব। এই সন্দৰ্ভত কেন্দ্ৰই উচ্চতম ন্যায়ালয়ৰ ই-কমিটিয়ে ন্যায়িক প্ৰক্ৰিয়াৰ লাইভ ষ্ট্ৰীমিঙৰ বাবে খচৰা প্ৰকাশ কৰিছে। ন্যায়ালয়ৰ বিচাৰক, অধিবক্তা, ভুক্তভোগী আৰু সাক্ষী ভাষ্য তথা সমগ্ৰ বিচাৰ প্ৰক্ৰিয়াটো লাইভ ষ্ট্ৰীমিঙৰ জৰিয়তে ঘৰত বহিয়েই সকলোৱে প্ৰত্যক্ষ কৰিব পাৰিব। খচৰাত উল্লেখ অনুসৰি, ন্যায়িক কক্ষৰ ৫টা স্থানত কেমেৰা লগোৱা হ’ব। কিন্তু ন্যায়ালয়ৰ বাদে অন্য কোনো ব্যক্তিয়ে ইয়াৰ লাইভ ষ্ট্ৰীমিং কৰিব নোৱাৰিব। ৰেকৰ্ডিঙৰ ক্ষেত্ৰতো নিষেধাজ্ঞা আৰোপ কৰিছে ন্যায়ালয়ে। এনে কৰিলে আইন, কপিৰাইট আৰু it আইনৰ অধীনত দণ্ডনীয় হ’ব ব্যক্তিগৰাকী। বিচাৰ প্ৰক্ৰিয়াৰ লাইভ ষ্ট্ৰীমিঙৰ ক্ষেত্ৰতো কিছু বিশেষ নিয়মাৱলী জাৰি কৰিছে উচ্চতম ন্যায়ালয়ে। বিবাহ সম্বন্ধীয় ঘটনা, মহিলাৰ সন্মানহানিকাৰক কোনো ঘটনা, যৌন অপৰাধ, posco আৰু শিশু আইনৰ অধীনৰ কোনো গোচৰৰ ক্ষেত্ৰত লাইভ ষ্ট্ৰীমিং কৰা নহয়। এইসমূহ ৰেকৰ্ড কৰি ন্যায়ালয়ৰ নিজা ৱেৱচাইটত বিচাৰৰ ৩ দিন পাছত গুৰুত্বপূৰ্ণ অংশ আপলোড কৰিব ন্যায়ালয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
