শচীনৰ ৰেকৰ্ড ভংগ সূৰ্যকুমাৰ যাদৱৰ, এতিয়া এই ক্ষেত্ৰত শীৰ্ষত সূৰ্যকুমাৰ
আই পি এলত ইতিহাস সৃষ্টি কৰিছে সূৰ্যকুমাৰ যাদৱে। কালি ২৬ মে’ তাৰিখে অনুষ্ঠিত হোৱা পঞ্জাব কিংছৰ বিৰুদ্ধে খেলখনত মুম্বাইৰ হৈ ১৭ ৰান সংগ্ৰহ কৰি এক ঐতিহাসিক কৃতিত্ব অৰ্জন কৰিছে সূৰ্যকুমাৰে।
পঞ্জাৱৰ বিৰুদ্ধে খেলখনৰ পূৰ্বে এই ছিজনত সূৰ্য্যকুমাৰে ৫৮৩ ৰান সংগ্ৰহ কৰিছিল আৰু ১৭ ৰান সংগ্ৰহ কৰাৰ পিছত ২০২৫ চনৰ আই পি এলত ৬০০ ৰানৰ সীমা স্পৰ্শ কৰা তৃতীয়জন খেলুৱৈ হিচাপে পৰিগণিত হৈছিল।
কেৱল সেয়াই নহয় সূৰ্যকুমাৰে শচীন তেণ্ডুলকাৰক এটা ছিজনত সৰ্বাধিক বাৰ ৬০০ ৰানৰ অধিক ৰান সংগ্ৰহৰ ক্ষেত্ৰত পিছ পেলাই আগবাঢ়ি গৈছে।
মুম্বাই ইণ্ডিয়ানছৰ হৈ খেলি এটাতকৈ অধিক ছিজনত ৬০০ৰো অধিক ৰান সংগ্ৰহ কৰা আই পি এলৰ ইতিহাসত প্ৰথমগৰাকী খেলুৱৈ হিচাপে পৰিগণিত হৈছে সূৰ্য্যকুমাৰ। এতিয়ালৈকে সূৰ্য্যকুমাৰ আৰু শচীন টেণ্ডুলকাৰে মুম্বাইৰ হৈ খেলি থাকোঁতে আই পি এলৰ এটা ছিজনত ৬০০ৰো অধিক ৰান সংগ্ৰহ কৰিছে।
সূৰ্যকুমাৰ যাদৱে শচীন তেণ্ডুলকাৰৰ ১৫ বছৰীয়া অভিলেখ ভংগ কৰিছে। শচীনে ২০১০ চনৰ আই পি এলত ৬১৮ ৰান সংগ্ৰহ কৰিছিল। তাৰ পিছত আই পি এলৰ অৱসৰ নোলোৱালৈকে কোনো ছিজনতে ৬০০ ৰানৰ সীমা স্পৰ্শ কৰিব নোৱাৰিলে। আনহাতে, সূৰ্য্যৰ কথা ক’বলৈ গ’লে ২০২৩ চনৰ আই পি এলত ৬০৫ ৰান সংগ্ৰহ কৰিছিল আৰু আই পি এল ২০২৫ত তেওঁ পুনৰ এই কৃতিত্ব অৰ্জন কৰিছে।
সৰ্বাধিক ৰান সংগ্ৰহৰ তালিকা-
সূৰ্য্যকুমাৰ যাদৱ – ৬১৯+ ৰান (আই পি এল ২০২৫)
শচীন টেণ্ডুলকাৰ – ৬১৮ ৰান (আই পি এল ২০১০)
সূৰ্য্যকুমাৰ যাদৱ – ৬০৫ ৰান (আই পি এল ২০২৩)
শচীন টেণ্ডুলকাৰ – ৫৫৩ ৰান (আই পি এল ২০১১)
লেণ্ডল ছিমনছ – ৫৪০ ৰান (আই পি এল ২০১৫)
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
