অসম লাইভ ২৪ঃ লাইমলাইটত থাকিবৰ বাবে মানুহে কি নকৰে! ৰাখী সাৱন্ত ইয়াৰ উদাহৰণ। অদ্ভুত আচৰণ আৰু মিথ্যাচাৰৰে প্ৰায়ে চৰ্চালৈ আহে বলিউডৰ অভিনেত্ৰীগৰাকী। কেতিয়াবা আচৰিত পোচাক, ভুৱা বিবাহৰ ছবি পোষ্ট কৰিও ভিউৱাৰ্ছ পোৱাৰ চেষ্টা কৰে এই ৰাখী সাৱন্তে। এইবাৰ আৰু এটা কদৰ্য কাণ্ডৰে লাইমলাইটলৈ আহিছে বলিউডৰ বিতৰ্কিত গাৰ্ল।সুশান্ত সিং ৰাজপুতৰ আত্মহনকক ঢাল হিচাপে লৈ ছচিয়েল মিডিয়াত কৰা এটা পোষ্টে ৰাখী সাৱন্তৰ নিকৃষ্ট মানসিকতাৰ প্ৰতিফলন ঘটাইছে। পোষ্টটোত ৰাখীয়ে দাবী কৰা মতে সুশান্তক সপোনত দেখিছিল। সপোনতে ৰাখীৰ গৰ্ভত পুনৰ জন্ম লৈ এই ধৰালৈ শীঘ্ৰে সুশান্ত সিং ৰাজপুত ঘূৰি আহিব বুলি কোৱা বুলি দাবী কৰিছে সাৱন্তে। নিজৰ ইনষ্টাগ্ৰামত শ্বেয়াৰ কৰি ৰাখীয়ে কয়- ‘মই প্ৰতিশোধ ল’ম। মোৰ লগত যিয়ে অন্যায় কৰিছিল তাৰ বিৰুদ্ধে মই প্ৰতিশোধ ল’ম।মই আপোনাৰ গৰ্ভতেই জন্ম ল’ম।‘ কাহিনী ইমানতেই শেষ হোৱা নাই। ৰাখীৰ আৰু দাবী সুশান্তই হেনো ৰাখীক কৈছে বলিউডে তেওঁক অৱহেলা কৰিছে। বয়কট কৰিছে। সুশান্তক কৰা এই অৱমাননাৰ বিৰুদ্ধে কংকনা ৰানাৱাট আৰু ৰাখী সাৱন্তে লোৱা ভূমিকাক ধন্যবাদো দিয়ে। যিসকলে বেয়া ব্যৱহাৰ কৰিছিল। অপমান কৰিছিল। সেইসকলক কোনো ক্ষেত্ৰতে এৰি নিদিব সুশান্তে। ৰাখী সাৱন্তৰ মাধ্যমেৰে বলিউডৰ প্ৰযোজকসকলক এই বাৰ্তা দিবৰ কাৰণে সপোনতো প্ৰয়াত অভিনেতাজনে ৰাখীক হেনো এই কথাবোৰ কৈছে। সুশান্তৰ অসম্পূৰ্ণ হৈ ৰোৱা ছবিসমূহ শীঘ্ৰে সম্পূৰ্ণ কৰাৰ নিৰ্দেশো দিয়ে আৰু সেই ছবিসমূহত ছানী লিওনি-ৰাখী সাৱন্তক আইটেম ছঙত ৰখাৰো দাবী জনায় সুশান্তে। স্বপ্নৰ শেষৰ ফালে সুশান্ত অভিনীত যিকোনো এখন চিনেমাক এৱাৰ্ড দিয়াৰো দাবী জনায় বলিউডৰ ধোনীয়ে। স্বপ্ন দেখিলে ঠিকেই। পোষ্টো কৰিলে ঠিকেই। পিছে ছচিয়েল মিডিয়াত ট্ৰ’লৰ জোৱাৰত ফাট দিয়া বসুমতী পাতালে লুকাও অৱস্থা হ’ল গাজাখুৰী ৰাখী সাৱন্তৰ। অনেকজনে ‘ৰাখী সাৱন্ত এটা মস্ত পাগল’, ‘মগজুৰ বিকৃতি ঘটিছে নেকি?’, ‘অভিনয় এৰি আপুনি কিন্তু ভাল গল্প লিখিব পাৰিবদেই’ আদি তীৰ্যক মন্তব্যৰে তুলাধুনা দিয়ে ৰাখীক।ইয়াকে হয়তো কয় কিছুমান জন্তুই নাখায় কি পাব্লিচিটৰ বাবে কিছুমানে নকৰে কি!
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
