অসম লাইভ২৪ঃ মাইক্ৰ SUVৰ জগতত প্ৰৱেশ কৰিছে Hyundaiয়ে। ভাৰতীয় বজাৰত SUV লঞ্চ কৰিছে দক্ষিণ কোৰিয়াৰ সংস্থা Hyundaiয়ে। Hyundai Exterৰ মুকলিয়ে দৃষ্টি কাঢ়িছে প্ৰায়সংখ্যক লোকৰেই। মাত্ৰ ৫.৯৯ লাখ টকাৰ পৰা পোৱা যায় Hyundaiৰ বাহন। ৫ষ্টাৰ ৰেটিং যুক্ত Tata Punchৰ সৈতে এই বাহনৰ তুলনা কৰা হৈছে। দুখন বাহনৰ মাজত ফিছাৰ্ছ, সুৰক্ষা, দাম, মাইলেজৰ মাজত কি কি পাৰ্থক্য আছে?
নিৰাপত্তা
Hyundai Exter আৰু Tata Punch দুয়োখনেই নিৰাপত্তাৰ দিশত উন্নত। Hyundai Exterত আছে ৬টাকৈ এয়াৰবেগ, এণ্টি লক ব্ৰেকিং ৰেয়াৰ পাৰ্কিং চেঞ্চৰ, ইলেক্ট্ৰনিক ষ্টেবিলিটি কণ্ট্ৰল, হিল ষ্টাৰ্ট এছিষ্ট, ডুয়েল ডেছ কেম ইত্যাদি। এই গাড়ীত আছে হুণ্ডাই ব্লু লিংক কানেক্টেড কাৰ টেকনোলজি। যিয়ে বাহন একোখনৰ সুৰক্ষা আৰু বঢ়াই দিয়ে।
আনহাতে Tata Punchত আছে ডুয়েল এয়াৰবেগ, এণ্টি লক ব্ৰেকিং, টেকছন কণ্ট্ৰল, ক্ৰাছ ছেঞ্চৰ, ইলেক্ট্ৰনিক ষ্টেবিলিটি, অট’মেটিক হেডলেম্প, ৰেয়াৰ কেমেৰা ইত্যাদি। উল্লেখ্য যে Global NCAPৰ ক্ৰেছ টেষ্টত এই বাহনে ৫ষ্টাৰ ৰেটিঙো লাভ কৰিছে।
ফিচাৰ্ছ
Hyundai Exterত আছে ৪ ইঞ্চি টাচ্চস্ক্ৰিণ ইনফোটেনমেণ্ট চিষ্টেম, এলেক্সা, স্মাৰ্টফোন কানেকছন, ভয়েছ কন্ট্ৰল, ইলেক্ট্ৰনিক ছানৰুফ, ৱায়াৰলেছ ফোন চাৰ্জিঙৰ সুবিধা, ক্ৰুজ কণ্ট্ৰল, এয়াৰ কণ্ডিছনিং ইত্যাদি। ৪০ টাতকৈয়ো অধিক ফিচাৰ্ছ আছে হুণ্ডাইৰ এই বাহনত।
Tata Punchও এইক্ষেত্ৰত কম নহয়। টাটাৰ এই বাহনত আছে ডুয়েল টোন স্কিম, ৭ ইঞ্চিৰ টাচস্ক্ৰিণ ইনফোটেনমেন্ট চিষ্টেম, স্মাৰ্টফোন কানেকছন, ষ্টিয়াৰিং মাউণ্টেড কন্ট্ৰোল, অটোমেটিক ক্লাইমেট কণ্ট্ৰোল, কি লেছ এণ্ট্ৰি, এয়াৰ কণ্ডিছনিং ইত্যাদি।
ইঞ্জিন আৰু মাইলেজ
Hyundai Exterত আছে ১.২ লিটাৰ Kappa পেট্ৰল ইঞ্জিন আৰু ১.২ লিটাৰ বাই-ফুয়েল Kappa পেট্ৰলৰ সৈতে CNG কিট। পেট্ৰল ইঞ্জিনৰ ক্ষেত্ৰত মেনুৱেল আৰু অটোমেটিক ট্ৰান্সমিছন দুই ধৰণৰ বিকল্পই আছে। মাইলেজৰ কথা যদি কোৱা হয় তেন্তে মেনুৱেল গেয়াৰত যায় ১৯.৪ কিঃমিঃ। অটোমেটিক গিয়েৰত ১৯.২ আৰু CNGত ২৭ কিঃমিঃ।
আনহাতে Tata Punchত আছে ১.২ লিটাৰ পেট্ৰল ইঞ্জিন যিয়ে সৰ্বাধিক ৬৩.৭১ ব্ৰেক হৰ্ছপাৱাৰ আৰু ১১৫ এন এম টৰ্ক? এই গাড়ীয়ে মেনুৱেল গেয়াৰত মাইলেজ দিয়ে ২০.৯ কিঃমিঃ আৰু অটোমেটিক গেয়াৰত ১৮.৮ কিঃমিঃ। এই গাড়ীত কোনোধৰণৰ CNG ভেৰিয়েণ্ট নাই। Hyundai Exter দেশৰ প্ৰথম মাইক্ৰ SUV য’ত CNGৰ সুবিধা লাভ কৰিব।
দুয়োখন বাহনৰ দাম
Hyundai Exterৰ কেইবাটাও ভেৰিয়েণ্ট লঞ্চ হৈছে। বেছ মডেল ‘EX’ ভেৰিয়েণ্টৰ দাম ৫.৯৯লাখ টকা। টপ এণ্ড SX (O) Connect ভেৰিয়েণ্টৰ দাম ৯.৩১ লাখ টকা।
Tata Punch ৰ ৪টা ভেৰিয়েণ্টৰ বজাৰত বিক্ৰি হৈ আছে পিউৰ, এডভেঞ্চাৰ, একমপ্লিছড আৰু ক্ৰিয়েটিভ। বেচ ভেৰিয়েণ্ট অৰ্থাৎ পিউৰৰ দাম আৰম্ভ হৈছে ৬লাখ টকাৰ পৰা। ক্ৰিয়েটিভ এই গাড়ীৰ টপ ভেৰিয়েণ্টৰ দাম ৯.৫২ লাখ টকা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
