ৰোহিতৰ পৰা বিশ্বকাপ হাতত লৈয়ে হাঁহি বিৰিঙিল মোদীৰ মুখত, চাঁওক বিশেষ ফটো আৰু ভিডিঅ’
খিতাপ দখল কৰি উভতি অহা ভাৰতীয় দলটোৱে আজি সাক্ষাৎ কৰে প্ৰধানমন্ত্ৰী নৰেন্দ্ৰ মোদীক। চেম্পিয়নছ টিমৰ সদস্যসকলে প্ৰধানমন্ত্ৰীৰ বাসগৃহত উপস্থিত হৈ প্ৰধানমন্ত্ৰীক সাক্ষাৎ কৰে। খেলুৱৈসকলৰ সৈতেও কথা পাতে প্ৰধানমন্ত্ৰীয়ে। ইয়াৰ পূৰ্বে প্ৰধানমন্ত্ৰী নৰেন্দ্ৰ মোদীয়েও ভাৰতীয় দলৰ অধিনায়ক ৰোহিত শৰ্মা আৰু প্ৰশিক্ষক ৰাহুল দ্ৰাবিড়ৰ সৈতে ফটোৰ বাবে পোজ দিয়ে। টিম ইণ্ডিয়াৰ খেলুৱৈসকলেও বিশ্ব চেম্পিয়ন হোৱাৰ অভিজ্ঞতা শ্বেয়াৰ কৰে মোদীৰ সৈতে।
https://x.com/ANI/status/1808718063690526930
প্ৰধানমন্ত্ৰী নৰেন্দ্ৰ মোদীয়ে টিম ইণ্ডিয়াক সাক্ষাৎ কৰাৰ ভিডিঅ’ অফিচিয়েল ইউটিউব একাউণ্টৰ পৰা মুকলি কৰা হৈছে। এই ভিডিঅ’টো ১:২৯ মিনিটৰ। এই ভিডিঅ’টোত টিম ইণ্ডিয়াৰ অধিনায়ক ৰোহিত শৰ্মাক ট্ৰফী লৈ প্ৰধানমন্ত্ৰীৰ বাসগৃহলৈ যোৱা দেখা গৈছে। ইয়াৰ পিছত হাৰ্দিক পাণ্ডিয়া, সঞ্জু চেমচন আৰু অক্ষৰ পেটেলক প্ৰধানমন্ত্ৰী বাসগৃহৰ ভিতৰলৈ যোৱা দেখা যায়।
ইয়াৰ পিছতে দলৰ প্ৰশিক্ষক ৰাহুল দ্ৰাবিড়ৰ লগতে বিৰাট কোহলী, যশপ্ৰীত বুমৰাহ আদিৰ প্ৰৱেশ। দলৰ প্ৰশিক্ষক ৰাহুল দ্ৰাবিড় আৰু অধিনায়ক ৰোহিত শৰ্মাৰ সৈতে দলটোৱে প্ৰধানমন্ত্ৰীক টি-২০ বিশ্বকাপৰ ট্ৰফী প্ৰদান কৰি ফটো উঠে। ইয়াৰ পিছত প্ৰধানমন্ত্ৰীক সকলো খেলুৱৈৰ সৈতে বহি কথা পতা দেখা যায়। এই বৈঠকত বি চি চি আইৰ সম্পাদক জয় শ্বাহ আৰু সভাপতি ৰজাৰ বিনিকো দেখা যায়।
https://x.com/BCCI/status/1808722297055756790
প্ৰধানমন্ত্ৰী নৰেন্দ্ৰ মোদীক সাক্ষাৎ কৰাৰ পিছত ভাৰতীয় দলটো বিমানবন্দৰলৈ ৰাওনা হৈছে। দিনৰ ২ বজাত দিল্লী বিমানবন্দৰৰ পৰা মুম্বাইলৈ উৰা মাৰিব দলটো। মুম্বাই পোৱাৰ পিছত টিম ইণ্ডিয়াৰ খেলুৱৈসকলে হোটেলত জিৰণি ল’ব। বিয়লি ৪ বজাত নৰিমান পইণ্টৰ পৰা বিজয় পেৰেডত অংশ লব দলটোৰ সদস্য সকল।
https://x.com/PIB_India/status/1808771862312468712
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
