এক শোকাৱহ পথ দুৰ্ঘটনাত মৃত্যু হৈছে এগৰাকী টেট শিক্ষকৰ৷ মৃত্যু হোৱা টেট শিক্ষকজন হৈছে গণেশ মণ্ডল(২৪)৷
নিহত গণেশ মণ্ডলৰ ঘৰ কামৰূপ জিলাৰ বকো-মালিবাৰী সত্ৰত৷ তেওঁ শিৱসাগৰ জিলাৰ এখন বিদ্যালয়ত টেট শিক্ষক ৰূপে কৰ্মৰত আছিল৷
ঘটনাৰ বিৱৰণী অনুসৰি বন্ধ উপলক্ষ্যে কৰ্বত্যস্থলী শিৱসাগৰৰ পৰা নিজ গৃহ অভিমুখী আহি থকাৰ পথতে শিক্ষকগৰাকীয়ে দুৰ্ঘটনাত কৰুণ মৃত্যুক আকোৱালি লয়৷
লগতে পঢ়ক ফুলশয্যাৰ ৰাতি পত্নীক এৰি যৌন কৰ্মীৰ ওচৰলৈ গৈ ধৰা পৰিল স্বামী! তাৰ পাছত হ’ল কি?
শিক্ষকগৰাকীয়ে কর্মস্থান শিৱসাগৰৰ পৰা ৰে’লযোগে গুৱাহাটীলৈ আহে৷ গুৱাহাটীৰ পৰা নিজ গৃহলৈ বুলি মেজিকত গৈ থাকোতে গুৱাহাটীৰ সাউকুছিৰ সোণাইঘুলিত এখন ট্রাকে মেজিকখনত প্ৰচণ্ড জোৰেৰে খুন্দা মাৰে।
এই দুৰ্ঘটনাত টেট শিক্ষকগৰাকী গুৰুতৰভাৱে আহত হয়। আহত টেট শিক্ষকগৰাকীক গুৱাহাটী চিকিৎসা মহাবিদ্যালয় হাস্পতালত চিকিৎসাৰ বাবে ভৰ্তি কৰোৱা হয় যদিও চিকিৎসকে মৃত বুলি ঘোষণা কৰে।
টেট শিক্ষকগৰাকীয়ে ইহসংসাৰত পিতৃ প্রফুল্ল চন্দ্ৰ মণ্ডল আৰু পত্নী লিপিকা বিশ্বাসক এৰি যায়। টেট শিক্ষকগৰাকীৰ মৃত্যুৱে বৃহত্তৰ বকো অঞ্চলত গভীৰ শোকৰ ছাঁ পেলাইছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ